Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

CCCCXLIII. 1526 július 23. (Kolozsmonostor). A kolozsmonostori konvent előtt Losonczi Bánfi László a belsőszolnokvármegyei Kozárvár birtokon és Szunyogszeg pusztán lévő részeit 300 frtért Kozárvári Lászlónak zálogba adja. Nos conventus monasterii Beatae Mariae Virginis de Kolosmonostra memoriae commendamus per praesentes, quod egregius Ladislaus Banffy de Lossoncz coram nobis personaliter constitutus sponte et libere confessus est retulitque in hunc modum, quomodo ipse pro quibusdam suis arduis et maximis necessitatibus ipsum ad praesens summe urgentibus evitandis totalem portionem suam possessionariam in possessione Kozarwar vocata ac praedium Zwnyogzeg nunccupatum in comitatu Zolnok Interiori existentem habitas (!) simulcum cunctis utilitatibus et pertinentiis quibuslibet, terris scilicet arabilibus, cultis et incultis, agris, pratis, campis, pascuis, foenetis, foenilibus, silvis, nemoribus, rubetis, virgultis, aquis, fluviis, rivis aquarumque decursibus, molendinis, piscinis, piscaturis molendinorumque et piscinarum locis, montibus, vallibus et vinearum promontoriis, generaliter vero quarumlibet utilitatum et pertinentiarum earundem integritatibus quovis nominis vocabulo vocitatis ad eandem et idem de iure et ab antiquo spectantibus pertinereque debentibus egregio Ladislao de Kozarwar pro florenis trecentis plene, ut dixit, ab eodem receptis iam et levatis infra tempus redemptionis pignori duxisset obligandam nostrique obligavit in praesentia eomodo, ut dum et quando temporum in processu sibi facultas redimendi affuerit eademque (!) et idem ad se redimere voluerit, extunc praefatus Ladislaus Kozarwary rehabitis prius praescriptis trecentis florenis, pecuniis scilicet suis, eandem et idem eidem simulcum praeallegatis cunctis utilitatibus et pertinentiis quibuslibet pacifice et absque omni dificultate remittere et resignare debeat atque teneatur. Quod si nollet, non posset aut quovismodo non curaret, extunc contra praefatum dominum Ladislaum Banfy in eisdem trecentis florenis convincatur, idem etiam Ladislaus Banfy dictum Ladislaum Kozarwary, si in pacifico domi;nio