Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)
exemplo sibi ad similes actus potentiarios perpetrandos se opponere praesumant, sed potius poenali eiusdem afflictione quoslibet alios a consimilium actuum potentiariorum patratione terreat, retrahat et restringat, ceterisque terribile cedat in exemplum, eundem Johannem Gereb pro praemissis suis actibus potentiariis per ipsum modo praenarrato patratis et commissis contra praelibatum dominum Stephanum archiepiscopum in praescripta emende capitis sui videlicet quinquaginta marcis homagialibus tantummodo eidem domino Stephano archiepiscopo persolvendis adversus autem memoratum Nicolaum de Warada in facto potentiae et sententia capitali, ex eoque in ammissione universarum possessionum, portionumque et iurium possessionariorum, necnon rerum et bonorum suorum quorumlibet ubivis intra ambitum regni nostri existentium, ipsum solum proprie et praecise concernentium in duabus nostris iudiciis, in tertia vero earundem partibus annotati Nicolai de Warada actoris partis scilicet adversae manibus devolvendorum et cedendorum convictum et aggravatum serie decernentes et committentes fldelitati vestrae firmiter praecipiendo mandamus, quatenus vestrum mittatis hominem pro testimonio fidedignum, quo praesente magistri Petrus de Sewpthe aut Michaél de , vei Ladislaus de Zenthdyenys, sin Petrus de Zagrabia, seu Stephanus de Bas . . . , sive Anthonius de Gerecz aliis absentibus homo noster, de curia nostra regia per nos ad id specialiter transmissus, primo ad facies dicti castri ac universarum possessionum, necnon villarum et oppidorum ac aliarum pertinentiarum eiusdem ad idem castrum spectantium vicinis et commetaneis eiusdem et earundem universis inibi legitime convocatis et praesentibus accedendo restatuat idem castrum, simulcum cunctis possessionibus, oppidis et villis ac aliis pertinentiis earundem eidem domino Stephano archiepiscopo et Nicolao de Warada, necnon Ladislao filio Stephani filii Desew, ac alteri Ladislao et Sigismundo filiis quondam Desew wayuodae de Lossoncz, ipsorumque heredibus et posteritatibus universis iure ipsis incumbenti perpetuo possidendas, contradictione praefati Johannis Gereb et aliorum quorumlibet praevia ratione non obstante. Tandem vero ad facies universarum possessionum, portionumque et iurium possessionariorum eiusdem Johannis Gereb convicti ubivis
