Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

(1500.) II. 9. earundem et eorundem legittima et competenti reambulatione et condigna aestimatione et primo de eisdem iuribus possessionariis de et super dote et rebus parafernalibus dictae dominae Cristinae eidem de praescriptis universis portionibus et iuribus possessionariis annotati condam Georgii Banffy domini et mariti sui iuxta honorem progenii atque domus earundem partium et quantitatem provenire debentibus plenariam satisfactionem cum portioné possessionaria et loco mansionis suae nobilitaris condigna facere et impendere atque eam contentam reddere tandem vero praetaxatas universas et totales portiones possessionarias et iura possessionaria demptis dumtaxat praescriptis portioné et mansione ipsius do[minae Crist]inae pro dote et rebus parafernalibus praetactis modo praemisso eidem asignare rursum et iterato ac ex novo inter antefatos Franciscum, Stephanum et Sigismundum, filios utputa annotati olim Georgii Banffy ad personas dividere, sequestrare limitareque et excidere ac eisdem iure perennali relinquere debeant possidendas, item octavo die festi Purificationis Beatissimae Virginis Mariae proxime affuturi praetitulati Franciscus et Stephanus Banffy pro fatigiis et expensis dictae dominae Cristinae per eam in prosecutione causarum praescriptarum susceptis et expositis in praeallegato oppido Bonczhyda coram iudicibus nobilium comitatus de Doboka quinquaginta florenos auri eidem dominae Cristinae dare et persolvere, ipsa quoque domina Cristina coram eisdem iudicibus nobilium eosdem Franciscum et Stephanum Banffy de et super huiusmodi solutione et satisfactione dictorum quinquaginta florenorum auri quitos et expeditos reddere iidemque iudices nobilium tandem literas eorum et vicecomitum dicti comitatus de Doboka expeditorias eisdem Francisco et Stephano Banffy dare et concedere debeant et teneantur, hoc non praetermisso, quod si qua partium praedictarum futuri temporis in eventu casu quo aliquam portionem suam possessionariam manibus alienis vendere aut inpignorare voluerit, extunc talis pars primitus et antea partém alteram cum ipsa emptione aut titulo pignoris receptione iuxta regni consuetudinem amonere debeat habitaque huiusmodi amonitione ipsa altéra parte id nolente tandem liberam habeat vendendi aut inpignorandi potestatis facultatem tali obiigaminis vinculo me-