Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)
Petrus comes de Sancto Georgio et de Bozyn wayvoda Transsylvanus et comes Siculorum egregiis ac nobilibus viris comiti vei vicecomiti et iudicibus nobilium comitatus de Doboka debitam reverentiam cum honore. Dicitur nobis in personis egregiorum Francisci, Stephani, Johannis et Emerici Banffy de Lossoncz, quomodo his proxime praeteritis temporibus egregius Simon Erdeg de Eskellew unam piscinam in territorio portionis suae possessionariae in possessione Wyfalw vocata in comitatu de Doboka existente habitam adiacentem contra ipsorum exponentium saepissimas prohibitiones praeparare, ac in tantum aggerem recludere et elevare fecisset, quod agger seu clausura piscinae prae multitudine seu magnitudine aquae funditus distractus et evulsus fuisset, ex cuiusquidem aquae vehementi torrenta et magna inundatione et aggeris evulsione certas domus et celaria iobagionum dictorum exponentium in possessionibus ipsorum exponentium Borsa et Walazwth vocatis in dicto comitatu de Doboka existentibus subversae et distracta atque abolita fuissent, in quibusquidem domibus et celariis fruges et vina dictorum iobagionum per inundationem et torrentiam dictae aquae in nichilum redacta et deperdita extitissent, necnon mulieres et pueros ac infantes in subversione domorum mortui fuissent, inquibus praemissis dempta interemptione dictarum mulierum et puerorum iobagiones praefatorum exponentium in praetactis possessionibus Borsa et Walazwth commorantes plusquam mille et quingentorum florenorum auri dampna suscepissent. His minimé contentus, iterum post dilacerationem et dilaviationem dicti aggeris praetactae piscinae idem Simon Erdeg eundem aggerem iterum disponere et repleri fecisset per cuius tandem aggeris disruptionem et dilaviationem vehemens inundatio et torrentia aquae quamplurimas domos iobagionum dictorum exponentium in dictis possessionibus commorantium subvertisset, vinaque et fruges ac frumenta tam in acervis, quam etiam in cophinis et vasis existentia anichilata et omnino dissipata et deperdita fuissent, in quibus modo simili iidem iobagiones dictorum exponentium ultra quam mille et quingentorum florenorum auri dampna perpessi fuissent, praeterea in ieme et estate Ín anno proxime T) így! Bánffy Oklevéltár II. 23
