Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)
CCLXXVI. 1497 augusztus 14. (Kolozsmonostor.) A kolozsmonostori konvent előtt Losonczi Bánfi Ferenczné férjét dobokai birtokának elidegenítésétől, Dézsi Pétert és Dobokai Salatielt annak elfoglalásától eltiltja. Nos conventus etc. memoriae commendamus, quod generosa domina Katherina, consors egregii Francisci Banfy de Lossoncz, filia videlicet condam Nicolai de Doboka iunioris nostram personaliter veniendo in praesentiam per modum protestationis nobis significare curavit in hunc modum: Quod, prout ipsa domina Katherina revera percepisset, hiis noviter retrofluxis temporibus in generáli congregatione dominorum regnicolarum harum partium Transsilvanarum Thordae celebrata praefatus Franciscus Banfy dominus et maritus suus praetextu nonnullorum iurium possessionariorum ipsius dominae Katherinae protestantis in iamfata possessione Doboka et suarum pertinentiarum in comitatu de Doboka existentium habitorum vigore quarundam literarum magnifici domini Bartholomei Dragfy de Bel= thek, wayvodae Transsilvani et comitis Siculorum fassionalium obligatoriarum superinde confectarum nomine et in persona eiusdem dominae Katherinae consortis suae quadam ordinaria dispositione mediante se ipsum contra egregios Petrum Desy de Themeshel et Salatielem de praefata Doboka in certis vinculis et obligaminibus obligasset, cum tamen praemissa nec de voluntate, sed neque in hac parte procuratoris eiusdem dominae protestantis extitissent, ymmo ipsum Franciscum Banfy ipsa iura possessionaria in nullo concernerent, habitaque huiusmodi protestatione mox eadem domina Katherina huiusmodi compositioni ac vinculis [et] obligaminibus praetitulati Francisci Banfy [domini] et mariti sui contradixit [inhibuit et] retractavit, item antefatum [Petrum] Desy ab emptione sev concambiali [permutati]one aut titulo pignoris receptione possessionum sew p[ortionum] et iurium possession[ariorum] nobilium filiorum Kanthor de Hydalmas et Gregorii de Badok ubilibet et in quibuscunque possessionibus et comitatibus existentium et habito-
