Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)
auri ipsis Thomae et Nicolao Farkas sub poena occupationis totális portionis eorum in oppido Gyengyes et possessione Patha appellatis existentis, necnon succubitus duelli facti potentialis dare et persolvere deberent, quos ipsi a nemine amicorum et proximorum etiam ad maximos eorum labores praeter quam a reverendo domino Urbano electo et confirmato ecclesiae Agriensis thesaurario regio, ac in causis in praesentia palatinali vertentibus per praefatum dominum nostrum regem iudice specialiter deputato, erga quem singulari fiducia ducti confugiendo, habere valentes, idem dominus Urbánus huiusmodi quatuor millia florenorum auri annotatis Thomae et Nicolao Farkas ratione praevia persolvendo et ultra illa quatuor millia florenorum auri alia duo millia florenorum auri puri antefatis Ladislao Orzag et alteri Ladislao de Lossoncz dedisset et accomodasset, ob hoc iidem uterque Ladislaus in huius recompensam totales possessiones ipsorum et filiorum suorum praedictorum Alchy, Fokoro et Zenth-Iwan vocatas, necnon portiones possessionarias in oppido Zazberek appellato, directam utputa et aequalem medietatem eiusdem oppidi Zazberek, necnon praedia Zabolch, Kewlkez, Bezdretheleke, alio nomine Bezethelke, et Iwan vocata, omnino in comitatu Hewesiensi existentia et habita, simul cum cunctis ipsarum utilitatibus et pertinentiis quibuslibet, puta terris arabilibus cultis et incultis, agris pratis, pascuis, campis, foenetis, silvis, nemoribus, montibus, vallibus, vineis vinearumque promontoriis, aquis, stagnis, lacunis, piscinis, piscaturis, aquarumque decursibus, molendinis et locis eorundem, generaliter vero quarumlibet utilitatum et pertinentiarum suarum integritatibus quovis nominis vocabulo vocitatis, ad easdem et eadem de iure et ab antiquo spectantibus et pertinere debentibus praenotato domino Urbano electo et confirmato ecclesiae Agriensis et thesaurario, ac per eum Blasio et Johanni de Naghluche fratribus carnalibus, necnon Ladislao, ipsius Blasii, ac Damiano, Clementi, Urbano et Thomae dicti Johannis, item Francisco quondam Benedicti patruelis fratris filiis, eorundemque Blasii, Johannis, Ladislai, Damiani, Clementis, Urbani, Thomae et Francisci, heredibus et posteritatibus universis pro praemissis sex millibus florenorum auri ab eodem domino thesaurario modo praemisso
