Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)
CCXVIII. 1488 márczius 17. (Kolozsmonostor ) A kolozsmonostori konvent előtt Losonczi Dessewffy Mihály Szent-Margita nevű belső-szolnokmegyei birtokát Nádasdi Ongor János özvegyének, Margit asszonynak s gyermekeinek eladja. Conventus monasterii beatae Mariae virginis de Colosmonostra omnibus Christi fidelibus tam praesentibus, quam futuris, praesentium notitiam habituris salutem in salutis largitore. Ad universorum notitiam harum serie volumus pervenire, quod egregius Michael filius quondam Johannis Desewfy de Lossoncz personaliter, onera et quaelibet gravamina Johannis et Stephani filiorum suorum, si in infrascriptis persistere nollent, per omnia in se ipsum recipiendo, coram nobis constitutus, est confessus in hunc modum, quomodo ipse matúra sua deliberatione superinde praehabita totalem possessionem suam, ZenthMargytha vocatam, una cum domo et curia nobilitari, in comitatu de Zolnok Interiori 1) existentem habitam ac aliis cunctis eiusdem utilitatibus et pertinentiis quibuslibet, puta terris arabilibus cultis et incultis, agris, pratis, nemoribus, silvis, rubetis, aquis, aquarumque decursibus, vineis, vinearumque promontoriis et generaliter cunctis utilitatum integritatibus, quovis nominis vocabulo vocitatis, de iure ad dictam possessionem spectantibus et pertinere debentibus, ipsum iure hereditario concernentibus generosae dominae Margarethae relictae quondam Johannis Ongor wayuodae de Nadasd ac Johanni et Nicolao filiis et puellae Elenae filiae eiusdem pro duobus millibus florenis auri puri hungaricalibus, boni, veri et iusti ponderis, plene, ut dixit, ab eisdem habitis et levatis dedisset, vendidisset et ascripsisset, imo dedit, vendidit et ascripsit eisdem, ipsorumque haeredibus et posteritatibus universis iure perpetuo et irrevocabiliter utendam, tenendam, possidendam pariter et habendam, nullum ius, nullamve iuris et dominii proprietatem sibi ipsi et suis successoribus 1 Eredetileg Doboka volt az oklevélbe írva; a javítás egykorú, de idegen kéztől ered.
