Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

Stephanus filius Bani, páter eorum, quandam portionem possessionariam in possessione Wayda Zenthywan vocatam in comitatu de Thorda existenti habitam annotatum Stephanum, patrem ipsorum, et ipsos communiter tangentem vigore certarum literarum suarum cum proprio sigillo consignatarum praelibato Michaeli castellano pro ducentis sexaginta florenis auri pignori obligaverit, tamen nunc ipsi quibusdam necessitatibus ipsorum eos ad praesens urgentibus evitandis praescriptam portionem possessionariam in iam notata possessione Wayda Zenthywan habitam cum cunctis utilitatibus et pertinentiis eiusdem quibuslibet rursus ac iterum et de novo pro ducentis quadraginta florenis auri, qui videlicet floreni iam in toto quingentos florenos auri facerent et reputarent, per dictum patrem eorum et per consequens per ipsos ex integro levatis et receptis pignori obligassent, ymmo obligarunt coram nobis tali modo, quod quandocunque temporum in processu ipsi, videlicet Ladislaus Lossoncz et Johannes aut dicti fratres sui sew eorum superstites annotatam portionem possessionariam pro antedictis quingentis florenis auri simul et semel et non sequestratim redimere possent, extunc ipse, videlicet Michael, aut sui posteri rehabitis huiusmodi quingentis florenis auri, omni prorsus rerum aestimatione procul mota eisdem remittere deberet aut deberent. Assumendo nichilominus ipsi Ladislaus Lossoncz et Johannes oneribus sub praemissis super se assumptis eundem Michaelem Zekel sew ipsius successores in pacifico et quieto dominio ipsius portionis possessionariae usque tempus redemptionis eiusdem contra quosvis impetitores causidicos et actores protegere, tueri et defensare propriis eorum laboribus, fatigiis et expensis, tali obligationis vinculo mediante, quod si ipsi Ladislaus Lossoncz et Johannes eundem Michaelem Zekel aut eiusdem haeredes in pacifico dominio eiusdem portionis possessionariae protegere, tueri et defensare nollent, non possent aut non curarent, extunc praefatus Michael Zekel aliam possessionem eorundem Ladislai Lossoncz et Johannis Bereczkthelke vocatam in eodem comitatu habitam, consimiliter cum omnibus suis utilitatibus et pertinentiis quibuslibet absque strepitu cuiuslibet iudicii, vigore dumtaxat praesentium mediante, pro se occupandi et tamdiu, quousque de et super praemissis quin-