Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

CCCCXXXI. 1439 márczius 15. Retteg. Vízaknai Miklós erdélyi alvajda a kolozsmonostorí konventnek meghagyja, hogy Losonczi Dezső erdélyi vajdát, István fiait, Lászlót és Benedeket, úgyszintén Dezső fia János fiait, Jánost és Mihályt Somkút birtok felébe iktassa be. Amicis suis reverendis conventui ecclesiae beatae Mariae virginis de Clusmonstra Nicolaus de Wyzakna viceuayuoda Transsilvanus amicitiam paratam cum honore. Quia magnificus dominus Desew de Losoncz wayuoda Transsilvanus et comes de Zolnok, dominus scilicet noster metuendus ac nobiles viri Ladislaus et Benedictus filii Stephani necnon Johannes et Michael filii Johannis filii Desew de Losoncz in dominium dimidietatis cuiusdam possessionis Somkwth, de manibus alienis redemptae, de iure vellent introire et se ipsos statui facere, super quo vestram praesentibus requirimus amicitiam, quatenus vestrum mittatis hominem, pro testimonio fidedignum, quo praesente Blasius de Zenthgergh vei Johannes Kozma de Sylagthw aut Anthonius de Gyrolth, aliis absentibus homo noster, ad faciem possessionis Somkwth praedictae accedat et universis suis vicinis et commetaneis inibi legitime convocatis, statuat eandem dimidietatem possessionis Somkwth eisdem, iure ipsis incumbenti, si non fuerit contradictum ; contradictores vero, si qui fuerint, evocet ipsos contra annotatos magnificum Desew wayuodam ac fratres suos nostram in praesentiam ad terminum competentem ; et post haec huiusmodi statutionis seriem, cum nominibus contradictorum et evocatorum nobis amicabiliter petimus rescribi. Datis in Rettegh in dominica Laetare anno domini millesimo quadringentesimo tricesimo nono. Kívül: Amicis suis reverendis conventui ecclesiae beatae Mariae virginis de Clusmonstra pro magnifico domino Desew de Losoncz wayuoda Transsilvano et aliis introscriptis statutoria et evocatoria. 1439. III. 15.