Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)
marent in condigno eorum pretio et valore, lege regni requirente. Et post haec ipsius possessionariae aestimationis seriem, ut fieret expediens, ad octavum diem eiusdem octavi diei nobis amicabiliter rescriberet capitulum Agriense praenotatum. Quia autem praefati in causam attracti dicta iudicia, tunc nobis et parti adversae persolvere debentia non persolverant, ideo octavis in eisdem cum [du]plo persolvere tenerentur. A quo quidem octavo die dictarum octavarum festi Epiphaniarum domini, dum discussio reportatae seriei praemissorum partes inter easdem nobis medio tempore praescriptos Johannem, Nicolaum et Petrum Herchegh, item dictos actores singillatim et divisim ad praemissa legitime ad diversos tres terminos evocari facientibus, ad praesentes octavas festi beati Jacobi apostoli simul cum iudiciis nonaginta sex et mediae marcarum ac sexaginta sex denariorum nobis, imo viginti unius marcarum centum et viginti octo denariorum praefatis filiis Dyonisii bani et Georgio de Bathyan solum, necnon quinque marcarum centum et triginta duorum denariorum praefatis omnibus actoribus simul per ipsum dominum Nicolaum de Zech, praeterea iudiciis quadringentarum et quadraginta marcarum duplatarum nobis, imo centum et sex marcarum, ducentarum et quinquaginta sex denariorum similiter duplatis, praeterea praefatis filiis Dyonisii bani et Georgio de Bathyan solum, praeterea novem marcarum, centum et triginta duorum denariorum similiter duplatis praefatis omnibus actoribus simul per praefatum Johannem de Zech, necnon iudiciis quinquaginta sex marcarum ducentorum et sexaginta denariorum similiter duplatis nobis, necnon decem marcarum ac ducentorum et sexaginta quatuor denariorum duplatis praefatis filiis Dyonisii et Georgio de Bathyan, praeterea quatuor marcarum ac ducentorum et sexaginta sex denariorum similiter duplatis praefatis omnibus actoribus simul per ipsum .... persolvendarum devenisset. Tandem ipsis octavis instantibus Valentinus de Lowaz et Stephanus literátus pro praefatis actoribus cum procuratoriis literis Varadiensis et Castriferrei capitulorum praedictorum, praesente magistro Michaele de Egerwar, qui pro praefatis in causam attractis cum procuratoriis literis [nostris] et conventus (1414.) I. 20. (1415.) VIII. 1.
