Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)
1380. V. 1. ventilata ad octavas festi beati Georgii martyris in anno domini M m o trecentesimo octuagesimo praeterito prorogata extitisset, denique ipsis octavis adhaerentibus praefatus Sebastianus filius Lorandi in praesentiam ipsius domini Nicolai palatini personaliter veniendo proposuisset eo modo, quod ipse una cum praedictis domino wayuoda ac magistris Dionisio, Michaele et Nicolao filiis Desew, necnon Georgio filio Stephani ab uno avo et prcthavo in naturali germine egressus extitisset, eaque ratione in universis ipsorum possessionibus et possessionariis iuribus inter ipsos indivisis, ipsosque communiter tangentibus rectam et aequalem divisionem habere deberet, quam ab eisdem rehabere vellet iustitia mediante, asserens, quod ipse esset filius praedicti Lorandi filii Sebastiani filii Johannis filii Priuarti, annotatique Ladislaus wayuoda et fratres sui forent nati praelibati Desew filii Dionisii filii quondam Dionisii palatini, ipsique quondam Dionisius palatinus et annotatus Priuartus ab uno genitore procreati extitissent. Quo percepto magister Gallus prothonotarius ipsius domini Ladislai wayuodae pro eodem domino suo necnon praefatis magistris Dionisio, Nicolao et Michaele ac Georgio in praesentiam eiusdem domini Nicolai palatini exsurgendo respondisset ex adverso, quod hoc bene verum íoret, ut praefatus quondam Dionisius palatinus abavus et praedecessor ipsorum domini sui et fratrum eiusdem fuisset, sed idem quondam Dionisius palatinus iam dicto Priuarto, quem annotatus Sebastianus abavum et praedecessorem suum fore asseruisset, in nulla generationis linea attinuisset et per consequens ipse Sebastianus filius Lorandi ipsis domino wayuodae et fratribus suis in nullo attineret, ex eoque eidem de dictis possessionibus et possessionariis iuribus praefatorum domini Ladislai wayuodae et fratrum suorum nulla divisio deberet provenire et super hiis idem dominus wayuoda et fratres sui literalia instrumenta haberent efficacia, in termino ulteriori per ipsum dominum Nicolaum palatinum ipsis dando coram eodem exhibenda. Unde idem dominus Nicolaus palatinus his perceptis ipsis partibus id benigne acceptantibus commisisset eo modo, quod praefati dominus Ladislaus wayuoda et fratres sui praemissa eorum literalia instrumenta, si quae super praemissis
