Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

(1398.; V. 1. (1398.) X. 6. (1399.) I. 13. (1402.) I. 13. (1401.) XII. 27. episcopum ecclesiae Waradiensis ad octavas festi beati Georgii martyris tunc venturas nostrae sublimitatis specialem in praesentiam evocassent, rationem de praemissis reddituros, litis pendentia, si qua foret inter ipsos, non obstante. Ad quas quidem octavas festi beati Michaelis archangeli praefati in causam attracti per annotatum procuratorem ipsius domini episcopi in persona eiusdem congruis diebus ipsarum octavarum coram nobis exspectati nostram specialem in praesentiam non venerant neque miserant, se mediantibus literis nostris iudicialibus exinde confectis in iudiciis aggravari permittendo, postulans praefatus procurator ipsius domini episcopi eidem ex parte memoratorum in causam attractorum per nos in praemissis iuris aequitatem elargiri. Et quia iidem ad praemissa vice secundaria evocandi fore visi fuerant, pro eo fidelitati dicti conventus firmiter praecipiendo mandamus, quatenus ipsorum mitterent hominem pro testimonio fidedignum, quo praesente homo noster infra nominandus memoratos nobilem dominam relictam et Sigismundum filium quondam domini Ladislai bani de Lochonch in praemissis perhemptorie responsuros, rationemque efficacem reddituros contra annotatum dominum Lucám episcopum ecclesiae Waradiensis ad octavas festi Epiphaniarum domini tunc venturas nostram specialem evocaret in praesentiam. Et post haec ipsius evocationis seriem cum nominibus evocatorum ad easdem octavas nostrae speciali fideliter rescriberet maiestati conventus praenominatus. A quibus quidem octavis causa partium praescripta partes inter easdem de ipsarum partium procuratorum voluntate secundum seriem literarum nostrarum prorogationalium ventilando ad octavas festi Epiphaniarum domini in anno tunc proxime transacto praeteritas prorogamine devenisset. Tandem ipsis octavis instantibus dominus Michael custos pro praefato domino Luca episcopo cum procuratoriis literis eiusdem ad nostram specialem veniendo praesentiam literas ipsius conventus super praemissa evocatione rescriptionales nobis praesentarat, in quibus per Sebastianum de Sap nostrum et fratrem Anthonium custodem eiusdem conventus homines feria tertia proxima post festum nativitatis domini dicto in anno transacto praeteritum nobilem dominam relictam et Sigismundum filium