Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

harum serie volumus pervenire, quod vir magnificus Stephanus de Lossunch banus Machouiensis in nostrae maiestatis accedens praesentiam exhibuit nobis quasdam duas literas, unam scilicet nostram patentem minori, secreto et rotundo sigillo nostro consignatam, super donatione et perhempnali collatione cuiusdam castri nostri Kereszegh vocati, in comitatu Byhoriensi habiti et villarum ac pertinentiarum eiusdem et aliam honorabilis capituli ecclesiae Orodiensis similiter patentem nobis rescriptionalem super legitima eiusdem castri et villarum ac pertinentiarum, praedictarum statutione pro ipso et suis heredibus rite factis confectas, tenoris subsequentium, supplicans exinde nostrae maiestati prece subiectiva, ut easdem literas ratas, gratas et acceptas habendo praesentibusque verbotenus inseri et redigi faciendo pro ipso, suisque heredibus et posteritatibus universis innovantes perpetuo valituras dignaremur confirmare. Quarum unius, scilicet nostrae literae patentis, tenor is est: Nos Sigismundus stb. (Következik Zsigmond király Í390 november 22-in kelt oklevele, lásd a CCCX. szám alatt.) Alterius vero literae scilicet annotati capituli Orodiensis similiter patenter emanatae continentia est talis: Serenissimo principi stb. (.Következik az aradi káptalan Í391 január 7-én kelt oklevele, lásd a CCCXII. szám alatt.) Nos igitur iustis et iuri consonis ipsius Stephani bani supplicationibus antefatis nostrae maiestati per eundem modo quo supra subiective porrectis regia benignitate exauditis favorabiliter et admissis, praefatas nostram et annotati capituli Orodiensis patentes literas, omni prorsus suspitionis et caliginis vitio destitutas, praesentibusque de verbo ad verbum sine diminutione et augmento aliquali insertas, quo ad omnes earum continentias, clausulas, punctos et articulos acceptamus, approbamus et ratificamus, requirentibus nihilominus innumeris fidelibus servitiis et laudedignis obsequiis ac sinceris et virtuosis complacentiis ipsius Stephani bani, per ipsum sacro regio diademati et per consequens regiae et reginalibus ac nostrae maiestatibus locis et temporibus opportunis cum omni fidelitatis constantia exhibitis et impensis, de consensu etiam et beneplacita voluntate ipsius serenissimae principis dominae Mariae reginae, consortis nostrae karissimae, praelatorumque et baronum nostrorum consilio praematuro,