Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

palatini ad nostram accedentes praesentiam nobis significare curaverunt, quod quasdam possessiones ipsorum Lusunch videlicet et alias infra nostrae pubertatis annos, quando non plena nobis rerum notitia habebatur, Nycolaus filius Leustachii et magister Farkasius filius Folkus ac alii fratres eiusdem nomine possessionis suae hereditariae mediantibus instrumentis a nobis sibi dari impetrassent, dicentes, quod eaedem possessiones non exigentibus culpis suis ablatae fuissent ab eisdem. Verurn cum adempto regni nostri pleno gubernaculo domino concedente in aetatem legitimam venissemus, habita unione pacis cum serenissimo principe domino Rodolfo rege Romanorum, karissimo affine nostro, omnibus baronibus et aliis regni nostri nobilibus in congregatione nostra existentibus scivimus et comperimus, quod praenotatae possessiones ab antecessoribus praedictorum Nycolai et magistri Farkasii ac fratrum eiusdem propter lesae maiestatis flagitium perdidissent, eo scilicet, quod pro interfectione illustris felicis recordationis reginae, uxoris Andreae illustris regis Hungáriáé, karissimae proavae nostrae, ad manus essent regias devolutae et per eundem serenissimum regem Andreám et consequenter per alios illustres reges Hungáriáé, praedecessores nostros Dyonisio bonae memoriae quondam palatino pro meritoriis servitiis suis temporibus regum eorundem fideliter et laudabiliter exhibitis et impensis datae fuissent et collatae. Nos igitur praedictas possessiones Lusunch et alias propter delictum et perpetratam infidelitatem huiusmodi deperditas et per Dyonisium et Nicolaum filios - Dyonisii quondam palatini hactenus rite habitas, a Nycolao filio Leustachii et magistro Farkasio ac fratribus eiusdem filiis Folkus penitus revocantes, praefatis Nicolao et Dyonisio permisimus perpetuo pacifice possidere, irritantes privilegia, literas seu instrumenta quaelibet, si qua idem Nycolaus et Farkasius ac fratres eorum super facto possessionum praedictarum haberent vei quomodolibet impetrassent, ita videlicet, quod viribus careant et inanes habeantur, ubicunque vei coram quocumque iudice fuerint praesentatae. Statuentes insuper, quod si iidem Nycolaus, Farkasius filius Folkus, aut fratres sui vei eorum heredes super facto possessionum praedictarum, in huiusmodi delictum et infidelitatem Bánffy Oklevéltár. I. 2