Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

285 TOMAJ NEMZETSÉGBELI LOSONCZI BÁNFFY CSALÁD OKLEVÉLTÁRA (1369.) X. 26. Elyae de eadem Lona easdem literas vestras reambulatorias, asserendo actionem et propositionem eorundem villicorum, iuratorum et hospitum ac populorum de Bunchyda explicari in eisdem nobis praesentavit, inter cetera declarantes, quod cum iidem villici, iurati, hospites et populi, accepto Stephano filio Salamonis de Vyssa homine nostro et fratre Emerico sacerdote testimonio vestro ad nostram literatoriam amicabilem petitionem per vos in testimonium transmisso, feria sexta proxima ante festum beatorum Symonis et Judae apostolorum nunc proxime praeteritum ad faciem praedictae possesionis Bunchyda, vicinis et commetaneis suis universis legitime inibi convocatis et praesentibus accedendo metas eiusdem a parte possesionis Lona praedictae in locis necessariis erigere voluissent, in ipsarum metarum erectionibus praedicti Mychael de Lona, Nicolaus filius Koplon, Emericus filius Demetrii et Ladislaus filius Elyae de Lona praedicta a parte eiusdem possessionis Lona vocatae contradictionis velamine obviassent, quos quidem Mychaelem, Nicolaum, Emericum et Ladislaum eodem die et loco iidem noster et vester homines ad praesentem nostram congregationem contra annotatos hospites et populos de Bunchyda ad nostram praesentiam citavissent, rationem contradictionis eorum reddituros; cuius contradictionis, inhibitionis rationem idem Mychael Crispus scire volebat a nobilibus de Lona praenotatis. Quibus auditis et perceptis praefati Mychael de Lona, Nicolaus filius Koplon, Emericus filius Demetrii et Ladislaus filius Elyae de eadem Lona personaliter exsurgentes responderunt eo modo, quod eadem possessio ipsorum Lona vocata, ab eadem possessione Bunchyda nuncupata certis metis separata et distincta haberetur, praefatique hospites et populi de Bunchyda tempore praeinissae possessionariae reambulationis et metarum erectionis earundem magnam particulam terrae eorum de praedicta possessione ipsorum Lona nuncupata occupare et ad eandem possessionem Bunchyda applicare voluissent, super metis autem iam dictae possessionis eorum Lona vocatae efficacia haberent instrumenta, quae coram nobis possent exhibere. Et ibidem ac in instanti quasdam literas patentes quondam viri magnifici Nicolai voyvodae Transsilvani et comitis de Zonuk anno domini mille-