Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)
filios Lothardi pro ipsorum infidelitatis nota omnibus possessionibus eorum curavisset spoliare, quasdam ex eisdem, videlicet Hene, Lakteluke et Apaty vocatas, cum silva Tyzakuz vocata, ad eandem Apaty pertinente, in comitatu de Zabolch existentes, magistris Jüan et Symon filiis Egidii fidelibus suis in recompensationem multorum fidelium servitiorum ipsorum, longi temporis laboribus suae excellentiae impensorum perpetuo et irrevocabiliter in filios filiorum suorum duxisset conferendas. Quibus quidem literis privilegialibus praelibati domini Karoli regis exhibitis et earum tenoribus intellectis ac partibus suo modo explicatis, cum nos praelibatum Lukachium de Tuser, legitimum procuratorum praelibati Stephani filii Thomae de Luchunch in eo, si praedicta medietas praelibatae possessionis Hene vocatae, quam praelibatus Stephanus filius Thomae dominus suus ab ipsis filiis Iuan et filiis Symonis requireret, eidem Stephano domino suo iure hereditario vei titulo instrumentali pertinuerit, nec ne, iuridice, ut nostro incumbit officio, requisitum habuissemus, idem Lukachius de Tuser, procurator ipsius Stephani filii Thomae legitimus, dictam medietatem praedictae possessionis Hene vocatae, in dicto comitatu de Zabolch existentem, eidem Stephano domino suo non alio aliquo titulo, nisi iure hereditario pertinere, et ex eo nomine possessionis praedictorum filiorum Lothardi, infidelium suorum regalium, collationi eiusdem minimé pertinuisse et pertinere debere pluries et pluries ad nostram requisitionem iuridicam allegaverat. E converso vero praedictus Andreas filius Iuan sua et praedictorum fratrum suorum personis, annotatus vero Nicolaus procurator eorundem filiorum Symonis similiter in personis praedictorum dominorum suorum, praedictam medietatem praelibatae possessionis Hene vocatae ipsorum filiorum Lothardi esse et fuisse et ex eo praemisso modo regiae collationi pertineri debere, nec iure hereditario ipsi Stephano pertinuisse et pertineri debere indicarant; unde, quia partes praelibatae praemissas contrariosas allegationes ipsarum per nos legitime requisitae testimoniali productione mediante, vicinorum et commetaneorum suorum ac comprovincialium nobilium contra se se iuxta regni consuetudinem comprobare assumpserant pro eo, una cum nobilibus regni nobiscum in iudicio adhaerentibus,
