Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

(1352.) X. 22. obedire cupientes, ut tenemur, cum praefato Petew filio Nicolai de Petery homine vestro nostrum hominem virum idoneum, videlicet dominum Petrum sacerdotem magistrum altaris sanctae Elizabet de eadem ecclesia nostra transmisimus pro testimonio ad praemissa mandata vestra exsequenda. Qui quidem homo vester tandem ad nos reversus, praesente et audiente dicto testimonio nostro nobis retulit isto modo, quod ipse una cum eodem testimonio nostro feria secunda proxima post festum beati Galli confessoris iam praeteritum accessissent ad faciem possessionis Zwrk praenotatae et eandem, vicinis et commetaneis suis legitime convocatis in eisdem praesentibus, a parte possessionum Dyonisii dicti Magyar et Kopouch filii Karuli, Endus et Apáti vocatarum, per suas veras metas et antiquas infra declarandas, novas iuxta veteres erigendo, reambulassent, reambulatamque et a dictis duabus possessionibus separatam relinquissent praetacto magistro Thomae, ut suum ius, perpetuo possidendam, nullo penitus inibi contradictore apparente. Et praefatus homo noster, similiter personaliter coram nobis comparendo, praemissa sic, quemadmodum dictus homo vester nobis communiter affirmavit. Metae autem, quibus dicta possessio Zwrk ab eadem possessione Endus distinguitur et separatur, ut iidem vester et noster homines nobis expresserunt, hoc ordine protenduntur: prima enim meta incipit a parte possessionis Benk vocatae, ubi iuxta quandam viam sunt duae metae terreae de novo erectae dictis duabus possessionibus Zwrk et Endus separantes, a quibus versus plagam meridionalem currendo iungit unam metam terream in quodam lygeth de novo erectam, ab indeque ad ipsam plagam meridionalem et versus possesionem Ladan currendo annectit tres metas capitales, per ipsos renovatas, quarum una dicti possessioni Zwrk, alia Ladan et tertia eidem possessioni Endus distinguerent et separarent, a quibus metas possessionum Ladan et Kenez saliendo et postergando metae ipsius possessionis Zwrk, quibus eadem a dicta possessione Apaty separatur, protenderent isto modo: prima enim meta incipit in latere cuiusdam berch, ubi sunt tres metae terreae, per ipsos de novo erectae, quarum una possessioni Zurk et alia Kenez, tertia possessioni Apáti distinguerent et separarent, a quibus