Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

cxxxv. 1349 augusztus 26. Alvincz. I. Lajos király (Losonczi) István Szörényi bánnak Szentmargitasszony nevű szerémmegyei birtokra, a melyen kőből épült templom is van, új adományt ad. Nos Lodouicus dei gratia rex Hungáriáé memoriae commendantes tenore praesentium significamus quibus expedit universis, quod nos attendentes inviolabilem fidei puritatem magnifici viri Stephani bani de Zeurino, dilecti et fidelis nostri, quam primum ad excelsum principem dominum Karolum quondam regem Hungáriáé, nostrum progenitorem carissimum laudandae recordationis et demum eodem patre nostro debitum universae carnis exsolvente, nobisque ad gubernaculum ipsius regni Hungáriáé iure successorio nobis debiti succedentibus, ad nos et ad sacrum nostrum diadema indefessae fidelitatis studio habuisse noscitur, considerantesque grata et immensa obsequiosa merita eiusdem, quibus nobis in cunctis nostris et regni nostri negotiis prosperis et adversis, fortunae casibus se submittens, studuit complacere et se reddere gratiosum utique et acceptum, in particularem recompensationem suorum servitiorum et fidelitatum quandam possessionem Scenthmargytaazzun vocatam, in comitatu Syrmiensi, iuxta fluvium Danubii, inter Zurduk et Byliguz existentem, vacuam et habitatoribus destitutam, in qua ecclesia lapidea in honorem beatae Margaretae virginis noscitur fore constructa, quae etiam quondam eiusdem Stephani bani et praedecessorum suorum esse, sed literalia eorum instrumenta super eadem confecta deperdita ab eisdem et alienata extitisse dicuntur, per eundem nunc a nostra maiestate nomine possessionis nostrae humiliter petitam, eidem Stephano bano et Dyonisio filio suo ac ipsorum heredibus, successoribus et posteritatibus, cum omnibus et quibuslibet suis utilitatibus et pertinentiis universis, quovis nomine vocitatis, sub suis veris et antiquis metis, eo iure, quo ad nostram collationem pertinere dinoscitur, salvis iuribus alienis, novae donationis nostrae titulo dedimus, donavimus et contulimus, imo damus, et conferimus in hiis scriptis, perpetuo et irrevocabiliter possidendam, tenendam,