Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

dictis partibus consentientibus non regali mensura mensurando, sed dumtaxat visu considerando, pro triginta duabus marcis iuxta consvetudinem regni aestimassent. Et cum discussio reportatae seriei praemissorum iuxta continentiam literarum nostrarum prorogatoriarum partibus volentibus ad diem medii quadragesimae tunc venturum prorogata extitisset, idem magister Iwan de Kallou iudicium assumpturus in praemissis, ad eundem diem medii quadragesimae non venisset, nec misisset et sic se in duobus simplicibus iudiciis convinci commisisset. Unde licet de regni consuetudine iustitia observata duellum in praemissis inter partes adiudicari voluerimus, tamen quia idem magister Iwan filius Egidii duellum in praemissis adiudicari nolens, factum praemissae possessionis per depositiones iuramentorum praefati magistri Stephani filii Dyonisii et Ladislai ac suorum coniuratorum, prout regni consuetudo admitteret, decidi committebat, ideo eisdem Ladislao filio Dominici et praefato Symone legitimo procuratore dicti magistri Stephani consentientibus et admittentibus decrevimus iudicantes eo modo, ut iidem magister Stephanus filius Dyonisii et Ladislaus filius Dominici, quia iuramentum solius personae ipsius magistri Stephani propter decentiam sui honoris pro iuramentis decem nobilium se extendit, pro eo cum praedictis Nicolao filio Andreae de Bachka, Jacobo filio Jacobi de Lonya, Ladislao filio Stephani, Jacobi filio Andreae, Kopolch filio Karoli de Apaty, Stephano filio Petri, Andrae de Wythka, Ladislao de eadem Wythka, qui pro parte dictorum magistri Stephani et Ladislai praemissam inquisitionem attestati fuisse dinoscuntur et aliis nobilibus, in toto vigesimo secundo se nobilibus, in octavis festi beati Mychaelis archangeli nunc venturis, praesentibus Nicolao filio Stephani de Wythka, vei Mokou filio Pauli de Zenthes, aut Johanne filio Aba de Aba pro parte dictorum magistri Stephani et Ladislai, item Erne filio Anyani de Ramachahaza, vei Thoma de Zonuk, aut Lachk de Pozdun pro parte dicti magistri Iwan, aliis absentibus hominibus domini regis et duobus discretis viris testimoniis capituli ecclesiae Agriensis, quae per idem capitulum ad id transmitti praesentibus amicabiliter postulamus, in facie dictae possessionis Hene comparendo (1342.) III. 6. (1342.) X. 6.