Wenzel Gusztáv: Árpádkori új okmánytár. Codex diplomaticus Arpadianus continuatus. X. (Pest, 1873.)

249. Gradenigo Péter velenczei dogé Trau várost felszállítja, hogy 300 velenczei fontnyi adósságát fizesse. 1300. Petrus Gradonico etc. nobilibus et sapientibus viris Potestati, Consilio et Communitati Tragurij, amicis dilectis salutem et dileccionis affectum. Recepimus vestras litteras, per quas inter cetera nos rogastis, quatenus piaceret nobis per causas in ipsis litteris annotatas terminum vnius mensis et dimidij, quem vobis prefiximus ad soluendum libras trecentas paruorum, in quibus estis nobis pro Comite Georgio obligati, prorogare vsque ad Comitis Georgij reditum de partibus Apulie ; et tunc intendebatis satisfacere. Ad quarum significata Prudencie vestre duximus tenore presencium respondendum : quod ipsam pecuniam, que a vobis et alijs Ciuitatibus Dalmacie debet exigi, non debet in nostrum Commune rccipi, nec haberi; sed de ipsa debet satisfieri multis nostris fidelibus, damnificatis grauiter iam et diu per Almissanos; quibus damnificatis mora esset intollerabilis. Itaque ipsorum damnificaorum necessitas nos constringit taliter, quod non possumus amplius expectare. Vnde Prudenciam vestram rogamus attente, quatenus debeatis celeriter dictam summám dare nostro Comiti Jadre; ante videlicet quam procedatur ad pignorandum vestros, vbicumque poterunt in partibus nostri Dominij reperiri. Nam sicut scitis, pluries vos requisiuimus; et terminus prefixus vobis ad modo est transactus. Dátum die XXVI. Marcij XIII. indiccione. (Lucius, Memorie Storiche di Trau 140. l.j