Wenzel Gusztáv: Árpádkori új okmánytár. Codex diplomaticus Arpadianus continuatus. IX. 1272–1290. (Pest, 1871.)

probitas insignit et extollit, consideratis seruicijs ipsius Petri Bani, que nobis in diuersis expedicionibus Regni nostri, bellis videlicet intestinis et extrinseicis Corone Regie incommutabiliter adherendo inpendit; et specialiter in expugnacione castri Zombothel, quod rupta pace et vinculo federis dissoluto per Regem Boemorum inimicum nostrum occupatum fuerat, vbi letalia sustulit wlnera, fideliter exbibitorum; consideratis eciam bijs, que in compescendis Croatys et hominibus transdrauanis, qui se de jurisdiccione nostra volebant alienare, ipsos potencie nostre reducendo et restituendo, exercuit et inpendit. Tam igitur ob recompensacionem seruiciorum ipsius Petri Bani prescriptorum, et aliorum quam plurimorum, que propter sui multitudinem longum esset enarrare; et eciam racione illa, ne in possessionibus olim per progenitores suos possessis, et postmodum Comiti Paulo fratri suo per nos traditis, extraneum doleat possessorem; dictam possessionem Gayul ipsi Petro Bano et per eum Kemen fratri suo reddidimus, restituimus, dedimus, donauimus et contulimus jure perpetuo et irreuocabiliter possidendam ; cassatis omnibus litteris et priuilegijs cuiquam super collacione ipsius possessionis, preter ipsum Petrum Banum, datis et concessis; et vbicumque et per quemcunque exhibite fuerint, viribus careant et inanes habeantur. In cuius rei memóriám perpetuamque firmitatem presentes concessimus litteras dupplicis sigilli nostri munimine roboratas. Dátum per manus Magistri Anthonij vili discrcti aule nostre Vice Cancellarij dilecti et fidelis nostri, anno Domini millessimo ducentesimo octuagesimo primo, Regni autem nostri anno nono. (Zsigmond királynak 1420. VI. idus Augustí kiadott megerősítő privilégiumából, melyet kért „Egregius Ladislaus filius Nicolai filij Pauli de Pukur in sua ac Magnifici Johannis de Maroth alias Bani nostri Machouiensis personis" ; a budai kir. kamarai levéltárban.)