Wenzel Gusztáv: Árpádkori új okmánytár. Codex diplomaticus Arpadianus continuatus. II. 1234–1260. (Pest, 1861.)

74. IX. Gergely pápa keresztes hadat hirdetni rendel Magyarországban II. Frigyes római német császár ellen. 1241. Gregorius Episcopus etc. dilecto filio Johanni de Civitela Subdiacono et Capellauo nostro, salutem etc. Cum tibi duxerimus iniungendum, ut contra Fridericum dictum Imperatorem, perditionis filium. in Ungarie Regno verbum crucis proponeres, et nonnulli in dicto Regno in terre sancte subsidium susceperint signum crucis, ex quo impedimentum non modicum tuo proposito generatur: nos attendentes, quod tanto salubrius est Apostolice Sedi in hoc necessitatis articulo subvenire, quanto ipsa mater et caput fidei in gravius Christiani nominis periculum impugnatur; devotioni tue, ut vota crucesignatorum ipsorum in defensionem Ecclesie contra Fridericum eundem, si eorum ad id consensus accesserit, commutare valeas, ac ipsis et reliquis redimentibus vota sua, dummodo expensas, quas facturi essent eundo in terram predictam, morando inibi, et exinde redeundo, in manibus tuis et dilecti filii . . . Abbatis de Pelis Cisterciensis Ordinis, et Benedicti Canonici Strigoniensis assignent in defensionem huiusmodi transmittendas, illám possis indulgere veniam peccatorum, que predicte terre succurrentibus in generáli concilio est concessa, liberam auctoritate presentium concedemus facultatem. Dátum Laterani II. Idus Februarii, (Pontificatus nostri) anno XIIII.