Wenzel Gusztáv: Árpádkori új okmánytár. Codex diplomaticus Arpadianus continuatus. I. 1001-1235. (Pest, 1860.)

106. Gunczel Rovazd (Szent-Márton mellett) születésű spalatoi érsek egyessége a pannonhalmi szent-mártoni apáttal és conventtel. 1222. G(uncellus) Dei gracia Spalatensis Árchiepiscopus et V(rias) eadem gracia Abbas et totus Conuentus Beati Martini in Pannónia omnibus Christi fidelibus presens scriptum inspecturis salutem in Domino. Yniuersitati uestre notum facimus, quod inter dominum G. venerabilem Spalatensem Archiepiscopum et nos has mutuas feeimus donaciones: Quod terram de Rvozd ad unum aratrum cum silua, prato et pomerio, quam ab ipso pridem acceperamus pro commutacione cuiusdam loci qui Yinula dicitur sibi in hunc modum reddidimus, ut donec uiueret nostram iureiurando diligeret Ecclesiam et sibi fidelis esset; ipso uero decedente cum omni possessione, quam ibidem ipse Árchiepiscopus ordinauerit ad usum nostrum predictam terram recipiemus. Similiter et ipsius propriam terram, que uulgo Vanyola dicitur, cuius medietas cum prato tantum spectat ad ipsum, medietas uero pertinet ad fratrem suum C., sua, ut diximus, porcio plenarie et absque omni contradiccione in ius hereditarium nostre approprietur Ecclesie. He contra nos in signum amoris quatuor sibi dedimus boues et ipsum iureiurando bona tenemur fide semper diligere et pro posse nostro honorare, et quamdiu ueniens in uillam Ruozd moram fecerit, sibi prebendam cum mensura, sicut uni de fratribus dare tenemur, et annuatim, sicut consuetudo est Ecclesie, sibi bottas cum pellicio dabimus; prout hoc scriptum firmum illibatumque perpetuo permanere sigillorum nostrorum munimine corroborauimus et sigillo eiusdem Archiepiscopi communiri feeimus, et Abbatis Waradiensis, in cuius presencia hec confirmauimus. Anno ab incarnacione Domini MCCXXII. (Eredctie bőrhártyán irva, melyről egykor három, most már csak egy pecsét függ, a szent-mártoni főapátság levéltárában.)