Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Mariae Theresiae imperatricis et regis
242 sed eadem in laboratoriis ipsimet praeparent, aut per sodales sumina cum diligentia confici sinant. Yigesimoseeundo : Siquidem ars pharmaceutica civilis facultas esset, vi cujus unice cives pharmacopoei, nec alter quispiam exinde vivere, portiones praestare, et reliqua civilia publica onera ferre deberent, ideo a modo imposterum in conformitate Caesareo-Regii per Locumtenentiale Regium Consilium die 2. Aprilis anno praeterito 1748 emanati benignissimi Mandati, ne eosdem phar- macopoeos civiles amodo deinceps quodpiam praejudicium, aut damnum pati oporteat, omnibus et singulis tam religiosis, quam saecularibus praecipue vero Patribus Societatis Jesu prohibetur ac interdicitur, ut amodo in futurum in apothecis suis ab omni ulteriori medicamentorum venditione, aut extradatione abstineant, verum eorundem Patrum Societatis Jesu pharmacopoea ad privatum duntaxat usum ipsorum et necessitatem deserviat. Yigesimotertio: Singuli theriacae venditores, radicum quaestores, calculorum excissores, lithotomi circumforanei, histriones ac foeminae tam publicae, quam privatae ab omni medicamentorum purgantium venditione penitus arceantur, nec deinceps sive in publicis foris, sive domibus quidpiam vendere praesumant. Yigesimoquarto: Pharmacopaei procuratis radicibus, herbis, floribus, aliisque, per Physicum civitatis, praesentibus duabus magistratualibus personis, et duobus pharmacopoeis singulo anno propriis ipsorum expensis exacte visitentur, et errores comperti illico emendentur, ut quodlibet munde, pure.be- neque confectum in debito ordine conservetur; caeterum pharmacopoeae diligenter, prout consuetudo et necessitas exigit visitentur, atque in uno, alterove loco occurrentes errores, ac defectus ut oportet accurate reparentur, corrupta vero et inantiquata, usuique minus deservientia, cassentur et ejiciantur. Vigesimoquinto: Cum norma haec omnibus et singulis tam divitibus, quam pauperibus medicina indigentibus accommodata sit, hinc eadem accuratissime in hacce libera ac regia civitate Tyrnaviensi observetur, omnisque eo sese dirigat , ut nulla in parte normam per Consilium Locumtenentiale Regium approbatam excedat. Vigesimosexto : Quandoquidem omnis proportio in sufferendis oneribus civilibus observanda veniret, ut et in bona harmonia pharmacopolas ad invicem convivere oporteat, necessumest, ne quispiam medicorum praescriptam formulam eo, quo ipsémét, sed quo patienti libuerit, disponat et dirigat, neque patientem hoc in passu persuadeat, sed libere ejusdem dispositioni committat. Vigesimoseptimo: Conditoribus, tabernariis, et praecipue quidem mate- rialistis severissime, ac sub gravi mulcta prohibeatur, ne pulvisculis, theriara, electuariis, oleis , spiritibus pretiosis , praeparatis, mosellis, tabulatis, ad pharmacopoeos solummodo spectantibus quaestum exerceant, quin imo simplicia etiam, ut est: Rhebarbara, Sal amarum, Folia senae, Scamoneum, Colocynthis, Agaricus, Jalappa, Euphorbium, Gummi guttae, Hermodactyli, Me- choacana alba, resina Jalappae, semen Cathapuciae, grana Tiglia, Cocognidia, Mercurius dulcis, Magnesia alba, Tartarus emeticus, radix lpecacuanae, vitrum Antimonii, aliosque pulveres compositos, aquas item simplices et compositas, pilulas, salia, species pro decoctis et infusis, syruppos, unquenta, aliaque omnia artefacta, velut ad pharmacopoeos spectantia non aliter, nisi supra lotones, nequaquam vero per drachmas divendant, multo minus domi suae distillent ac praeparent; porro materialistae sub gravi etiam mulcta caveant, ne mineralia venenosa et praeparata, praecipue vero Mercurium praecipitatum et sublimatum vendere praesumant, et lucri causa multis occurrentibus periculis
