Linzbauer, Franciscus Xav.: Codex Sanitario-Medicinalis Hungariae 2 (Budae, 1852)

Regimen Mariae Theresiae imperatricis et regis

232

hocce a publico in apotheca sua coepto quaestu, et medicamentorum extra usum ejusdem Collegii distractione inhiberi supplicantium, datam et interpositam, Consilium hoc Regium Locumtenentiale Suae Majestati SSmae demisse repraesentavit ; Eadem porro Sua SSma Caesareo-Rcgia Majestas benigne una ac penitius negotium hocce perspiciens, — quoniam certum omnino foret, quaestum hujusmodi civilem esse, ac perconsequens nulli alteri, quam solis civilibus personis, quales utique Paternitates vestrae non essent, competere; neque iisdem ob praejudicium etiam, quod civilibus personis, publicis oneribus et contributioni obnoxiis inde enascitur, convenire, — benigne resolvit, ut memorati ab ulteriorum medicamentorum quaestu, iisdem alioquin, tanquam religiosis etiam inconve- niente, arceantur, ipsorum pharmacopoea ad privatum duntaxat ipsorum usum, et necessitatem, quemadmodum eadem Sua Majestas SSma in aliis etiam Regnis et Provinciis suis pro emolumento civium eatenus jam disposuit, inposterum restringatur. Datum Posonii ut s.

2. Civitati Tyrnaviensi.

Benignam altefatae Suae Majestatis Caesareo-Regiae resolutionem Magistratui quoque civitatis istius pro debita notitia, et exacta ejusdem observatione hisce intimandum ac una injungendum esse duxit Consilium Regium Locumtenentiale, quatenus ibidem degentium civilium pharmacopolarum apothecas praescripta jam idcirco modalitate quotannis visitare, utve iidem pharmacopolae bonis et recentibus pharmacorum speciebus continuo provisi sint, et communem medicamentorum taxationem debite observent, neque in his cum aggravio publici quoquo modo excedant, providam pro munere sibi in his quoque incumbente curam gerere noverit, et nec intermittat idem Magistratus. Datum Posonii ut s.

343.

Gravamen pliarmacopoeoruin civilium Posoniensiuiu.

Conci. Cons. die 9. Julii 4748.

(In seq. M. R. ddto 2. Julii 1748.)

Posoniensi civitati. FF. Misericordi anorum Provinciali, et Monialium Elisabet hin arum Priorissae.

Posteaquam cives et pharmacopolae romano-catholici civitatis hujus Po- soniensis, coram Sua Majestate SSma gravamina ponentes in eo; quod isthic praeter quatuor civilia, trium adhuc religiosorum pharmacopolia, patrum quippe Societatis Jesu, Fratrum Misericordiae et Sanctimonalium ordinis S. Elisabethae existant, et in his pharmaca publice in grave querulantium onera publica supportantium praejudicium distrahantur, sed et histriones circumforanei, occasione publicarum nundinarum horsum venientes, et alias etiam de loco in locum proficiscentes, cum variis aeque medicamentis, prout et subditi Patrum S. J. collegii Trencsiniensisab iisdem ex miss i, cum diversis oleis, spiritibus sale ac aliis pharmacis quaestum cum pari querulantium praejudicio exerceant, medio instantiae, Suae Majestati Sacratissimae humillime supplicuissent, ut dicti religiosi et moniales, memora- tique histriones, et hujus generis homines prout et praefatorum Patrum S. J. subditi ab ejusmodi distractione et quaestu, imo respective etiam ab accessu hujusce civitatis arceantur; alte- fata Sua Majestas SSma eo in merito occurrentibus pro et contra motivis sibi relatis existentibus, sub dato 2. currentis mensis benigne resolvere et committere dignabatur, ut praefati Patres S. J. et Fratres Misericordiae penes praehabi-