Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Mariae Theresiae imperatricis et regis
227 Secundo. Pro lilieris et nepotibus, prout et liberis adoptivis, et his omnibus quidem, postquam masculi decimum octavum, foeminei sexus vero decimum quintum aetatis annum attigerunt (secus namque praerecensiti haud lugendi) genero praeterea et nuru, vitrico et noverca, parentis item et matris fratribus ac sororibus, et reliquis in linea collaterali ascendenti, non absimili- ter per matrimonium cognatione junctis, demum etiam carnalibus et uterinis fratribus et sororibus, et his ultimis quidem post completum aeque 18. et respective 15. aetatis annum, trium saltem mensium decursu luctum portare admittitur. Tertio. Pro fratribus et sororibus germanis, vel uterinis tantum, vitrici item, vel novercae fratribus ae sororibus, affinibus, porro sexus utriusque fratrum , sororumve liberis et nepotibus, si et hi 18. et respective 15. aetatis annum attigerunt, ac reliquis cunctis secundo et tertio consangvinitatis, vel affinitatis gradu junctis, uno saltem mense, pro illis porro, qui remotiori adhuc agnationis, cognationis, vel affinitatis gradu conjuncti sunt, pro libitu quidem , ast non ultra octiduum luctus gestetur. Quarto. In ordine vero ad ipsum luctum, et normam eatenus observandam praecipitur, ut longior sex mensium luctus primis sex hebdomadis, a viris quidem in nigro panno, vel alia ex lana confecta materia, absque nodis, gladio nigredine inducto, ac similibus calceorum fibulis, applicata item ad petasum lugubri fascia Crep, seu Flor dicta, laneisque tibialibus, ac asperis ex pelle cordovan nuncupata consutis calceis, nec non manicarum circumferentiae peplo albo, vulgo pleureus obductione gestari quidem possit, hac nihilominus manicarum dicto peplo albo obductione sive pleureus applicatione unice magnatibus , et nobilitati, consiliariis item Caesareo-Regiis , neutiquam vero inferioris sortis hominibus admissa. Residuis porro 4f2 praescripti longioris luctus mensibus , nec non breviorem luctum a tribus respective, et uno mense, prout et illum octo dierum luctum , secundum cujusvis beneplacitum, in lugubri vestitu ex panno vel alia materia , sericea etiam, et holloserico sine tamen fimbreis clavicutatis, vulgo Spitzen gestare admittitur. Hac ratione etiam occasione inhumationis demortuorum , et exequiarum , usus longorum et brevium palliorum lugubrium , pro ratione gradus consangvinitatis vel affinitatis conceditur, haeredibus porro universalibus eminentioris conditionis, liberum sit desuper etiam dependentiam, vulgo Schlep vocatam habere, ubi e converso occasione praedictae sepulturae, aut exequiarum, in longa tunica, vulgo Schurtz nuncupata, non aliis, quam quibus eandem in Aula Caesareo-Regia portare permittitur, gestare licitum sit. Quinto. Sexus foemineus, cujuscunque demum conditionis, binis nonnisi vicibus vestimentorum suorum lugubrium ornatum mutabit, et luctum non ex aliis materiis, quam quae in haereditariis regnis et provinciis conficiuntur, gestabit. Sexto. Cunctis militaribus a summo ad infimum, liberum sit occasione emergentis primi etiam ordinis luctus, nigram duntaxat fasciam vulgo Crep, vel Flor ad sinistram vestitus sui militaris manicam applicatam portare. Septimo. Nulli vasallorum et subditorum Caesareo-Regiorum (quam classem viduae quoque ingrediuntur) cujuscunque etiam status et dignitatis sint, admittitur, ut hi cubicula sua, fenestras, mensas aut sedilia, in iisdem haberi solita , minus currus, sedes portarias,ac helcia equorum nigro panno peramplius obducant, sed neque famulitio utriusque sexus, vestitus lugubres largiantur, nec sedile aurigae in curru cooperta, vulgo Sitz-Decken, aut equi lucubri ornatu obducantur, non absimiliter Octavo. Ordinatur, ut a modo impostorum nullius demortui cadaver publice exponatur, aut cubile, ubi defuncti corpus, ad tempusinhuma15*
