Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Caroli VI. imperatoris et regis
152 reiterati absolute resideant, neque ex metu contagiosae luis se officiis abdicare, 4 vel comitatu excedere attentent: nundinarum item celebratio clementissima Caesart o-Regia 22. Maji, anni currentis 1739 emanata resolutione, ob modernas epidemicae luis circumstantias vetita in toto trans-Danubiano circulo nullibi admittatur; non secus ut pro casu erupturae contagionis ex dictamine benigni die 5. Decembris anni 1738 Suae Majestatis mandati tam ipsi comitatenses, et civi- tatenses magistratus in communi, quam et eorundem inhabitatores in particulari sibi de necessaria subsistentia in antecessum provideant, et concomitanter homines vagabundos, ac mendicos eliminent: prout et de medicis, et chirurgis conformiter benigno de 14. Aprilis anni currentis 1739 Caesareo Regio mandato in tempore sibi prospiciant, praefatus dominus Commissarius curabit. Ut denique universa altefatae Suae Majestatis SSmae in re sanitatis per regnum publicata , aut publicanda benigna mandata nec non expeditae, aut expediendae per Consilium hocce Regium intimationes debito effectui mancipentur, sedulam habe bit curam. Decimotertio: Tametsi quidem formula passualium literarum benignis de 26. Augusti anni praeteriti 1738 Patentibus regiis praescripta foret, quia nihilominus passim jam in abusum devenisse animadverteretur; hinc et hoc curabit praerepetitus dominus Commissarius Regius, ut in districtu trans Rabum sito aeque, ac in partibus cis Rabum existentibus non aliis, quam, qui passua- libus juxta tenorem Patentalium puncti octavi instructi fuerint, de uno loco in alium transitus concedatur. Decimoquarto. In transgressores porro praerecensitarum salutarium dispositionum secundum praeallegatas Patentes, prouti et in malitiosos celatores occultatoresque contagionis mali secundum posterius interventa Mandata pro rei gravitate per eos, quorum intererit, poenam, inspecta solum, et summariter cognita rei veritate decerni, et exequi curare, praefatus dominus Commissarius Regius absolutam habebit activitatem. Decimoquinto: Si autem extraordinarius quipiam majoris momenti casus talis occurreret, qui ad benignas Cesareo-Regias dispositones, et Consilii hujus intimationes reduci non posset, hujusmodi casum dominus Comissarius Regius Consilio huicce Regio cum opinione sua illico repraesentabit, et abinde dispositionem eatenus exspectabit, si tamen res moram pati non posset, interea etiam, donec talismodi dispositio superveniat, dominus Commissarius Regius provisionaliter necessarias faciet dispositiones. Decimosexto: Quod si vero locum quempiam praedeclaratae lineae ex hac Rabi parte viciniorem epidemico malo corripi contingeret, dispositis illico circa praeclusionem ejus salutaribus mediis, et praecautionibus de retrahenda, et aliorsum ducenda linea, opinionem suam citra moram Consilio huic Regio perscribet. Decimoseptimo: Super omnibus denique dispositionibus tam apud comitatus, et civitates ex altera Danubii parte sitos, quam ad praescriptam lineam instituendis, sive illae jam effectuatae fuerint, sive adhuc ab effectu penderent, saepefatus dominus Commissarius Regius tam Suae Majestati SSmae medio ejusdem Cancellariae Regiae Hungarico-Aulicae, quam et Consilio huic Locumte- nentiali Regio de posta in postam relationes suas submittet. 179. medicorum et chirurgorum exmissio Posonium. Conci. Cons. die 3. Julii 1739. (In seq. M. R. ddto 28. Junii 1739,) Cum Posonii talium medicorum, et chirurgorum, qui foras mitti possent, defectus
