Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Caroli VI. imperatoris et regis
96 Infectae civitati Szegediensi victualibus succurrendum. Conci. Cons. die 5. Septbr. 1738. (In seq. M. R. ddto 2. Septbr. 1738,) Qualiter comitatus Csongradiensis, et pagus quoque Dorosma, ad minoremCu- maniam spectans , contagionis malo infectae civitati Szegediensi, ibidemque habito praesidiario quoque militi, victualibus succurrere debeat, norma proscribitur in eo, ut nempe allatis ad certam distantiam victualibus pro illis ab emptoribus eorundem competens pretium ad certam rursus distantiam ad acetum ponatur, hocque taliter venditores, emptores vero victualia recipiant, absque eo , ut quaepiam hominum cum victualibus eo advenientium, cum illa emere volentibus Szegediensibus incolis permixtio fiat. 113. Contagium in comitatu Zaránd. Conci. Cons. die 9. Septbr. 1738. (In seq. M. R. ddto 4. Sept. 1738.) Cum contagionis malum in Zarandiensi quoque comitatu erupisset, dictus comitatus pariter uti alii talismodi malo infecti tractandus, sicque solicite curandum erit, in conformitate priorum eatenus jam factarum dispositionum, ne exinde contagionis malum ad alias non infectas regni partes transferri possit. Caeterum ex nuper transmissis patentalibus literis, in re sanitatis appositis, jam innotuit; Csegheiensem quoque in Tybisco trajectum haberi admissum, quidve circa pulsionem pecorum dispositum exstiterit, quibus ulterius etiam stricte insistendum; per consequens etFiirediensem trajectum abrogare, ac in aliis quoque punctis memoratas publico proficuas dispositiones exacte observare praecipitur. Et quia magistratui comitatensi praecipue curam gerere incumberet, ne per trajectus ulterius quoque admissos, aliqualiter saltem suspecti transire possint; hinc eo non obstante, quod Tokajensis trajectus ab officialibus fiscalium bonorum administretur, necesse erit, ut ipse quoque comitatensis magistratus fidos homines suos eo collocet, qui communis- salutis ibidem curam gerant, et sedule attendant, ne talis qui dictamine benignarum resolutionum ad partes cis-Tybiscanas admitti non debet, Tokajini Tybiscum transeat. 114. Redeuntes ab exercitu annonae vectores, contumaciae subjiciendi. Conci. Cons. die 12. Septbr. 1738. (In seq. M. R. ddto 9. Septbr. 1738.) Circa famulos cum currubus pro devectione annonae ad exercitum missos reduces, emanata benigna Suae Majestatis SSmae resolutio y'. Praeterea clementer committitur , ne Szolnokén et Kecskemethini contumaciam subeuntes ad reliquorum consortium admittantur. / Carolus VI. Clementer acceptis Regii istius Nostri Locumtenentialis Consilii literis, circa famulos cum currubus pro devectione annonae ad exercitum nostrum missos reduces, die secunda currentis hujus mensis ad Nos datis; siquidem medio tempore informaremur, ejusmodi famulos, ubi contumaciam subire debuissent, insimul non perstitisse, verum janrtiac, jam illa via versus loca, unde missi fuerunt, reverti conatos exstitisse; ex hinc vero maximum infectionis periculum illis per quos transeunt, ac etiam ad quos pergunt comitatibus metuendum foret. Eapropter Dilectioni et Fidelitatibus Vestris clementer hisce committendum esse duximus, quatenus comitatibus illis, unde memorati famuli cum currubus ad exercitum nostrum sunt missi, intimare mox noverint, ut ejusmodi famulis peculiariter attendi, neque illos tam subito ad loca prioris mansionis readmitti faciant, verum prius tam quoad eosdem, quam et res secum habitas, ad conservandam ulterius quoque in ejusmodi comitatu communem salutem omnes necessarias et opportunas praecautiones quam diligentissime observent. Et quia id quoque relatum fuisset, quod in locis pro servanda contumacia destinatis ii, 113.
