Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Caroli VI. imperatoris et regis
92 / Carolus VI. etc. In re tanti momenti, ubi nimirum de avertendo tam gTandi malo, conservandaque communi salute agitur, necessarium esse existimantes , ut in libera et r. civitate nostra Posoniensi e gremio Regii istius Nostri L. Consilii, regiae item Camerae nostrae hungaricae, nec non loci magistratus, peculiaris designetur ac deputetur Comis sio, quae frequenter considendo, cum interventu etiam unius medicorum in praefata civitate subsistentium , statum sanitatis non tantum in memorata civitate, sed etiam quoad totum regnum respiciat, de salutaribus dispositionibus etiam praeter hic / deductas ad avertendum ulterius contagionis malum faciendis deliberet , ac tam has, quam et illas quam punctualissime in effectum deduci faciat, de cunctis vero occurentiis relationes suas medio Regii istius Locumt. Consilii Nobis per manus tamen Regiae Cancellariae Nostrae Hungarico-Aulicae diligenter submittat. Proinde Dilectio et Fidelitates Vestrae e sui gremio statuque magnatum pro praeside unum, e numero vero nobilium duos consiliarios ad ejusmodi sanitatis commissionem mox deputabunt, regiae item Camerae nostrae Hungaricae quatenus et de ejusdem gremio duo hoc fine denominentur consiliarii , insinuabunt, ac demum praedictae civitatis magistratui, fine deputandorum idcirco duarum magistratualium personarum, nec non unius medici, per decretum insinuabunt, taliter autem constitutae in rebus sanitatis comissioni, ut haec in consessibus servandis diligens sit, et praevio modo clementer disposita, sphaeramque ejusdem respicientia accurate respiciat, debiteque in effectum deduci faciat, suo modo significabunt Eaedem Dilectio et Fidelitates vestrae. Datum Viennae ut s. U Nos Carolus VI. etc. Fidelibus Nostris universis, et singulis reverendis , honorabilibus, spectabilibus ac magnificis, magnificis item, egregiis, et nobilibus; nec non prudentibus ac circumspectis, supremis, et vice-comitibus, judicibus nobilium, et juratis assessoribus; totis denique universitatibus praelatorum, baronum, magnatum, et nobilium, quorumvis praefatorum regnorum nostrorum Hungáriáé, Croatiae, ac Sclavoniae comitatuum; praeterea liberarum, regiarumque civitatum nostrarum, ac aliorum quorumvis privilegiatorum oppidorum , et locorum, prout et possessionum ac villarum judicibus, magistris civium , senatoribus, rectoribus, et communitatibus; nec non quorumcunque passuum , portuum, et transituum commissariis, custodibus, inspectoribus, et vigilibus ; cunctis denique aliis cujuscunque status, gradus, conditionis, et prae- minentiae subditis nostris in praefatis regnis nostris degentibus, et commorantibus praesentes nostras visuris, lecturis, aut legi audituris salutem, et gratiajm. Probe recordabimini, quidnam tenore complurium benignorum mandatorum nostrorum, a tempore, quo pestifera lues in Transylvaniam, inde vero in Teme- siensem districtum, et ex hinc Neo-Af-adinum, Szegedinum, et ad quaedam Bacsiensis quoque, ac Békesiensis comitatuum loca penetravit, ad Regium nostrum in Hungária Locumtenentiale Consilium expeditorum, abinde vero vobis quoque intimatorum, quibus nimirum modis, et mediis dicta lues sisti, et ne ulterius serpat, praecaveri, passusque praecludi, itinerantes, et commeantes salvi passus literis muniri, stricteque examinari, et non nisi ex salubri loco moventibus , taliaque pertranseuntibus, ad alia sana loca accessus permitti, ex locis autem de infectione suspectis venientes, ab subeundam in uno, vel alio designatorum eatenus locorum rigorosam contumaciam adstringi, ut vero haec cuncta rite, accurateque observari queant, in Danubio quidem omnes trajectus a Buda incipiendo Petro-Varadinum usque, in Tibisco dein a Tokajino relictis non nisi in Cseghe, Szolnokiensi, item Szentesiensi, ac prope Szegedinum habito trajectibus, quorum prior medio comitatensium hominum, posteriores vero tres regulato milite custodirentur, reliqui cuncti trajectus usque ad Tybisci ia
