Linzbauer, Franciscus Xav.: Codex Sanitario-Medicinalis Hungariae 3/4 (Budae, 1861)
Mantissa
813 quam iisdem studiorum saevis tecum initiatum, et amasti sinceriter, et perpetua benignitate sublevasti. Qua re et dignitatem splendoremque tuum ornabis, et studiis fere iacen- tibus signum quoddam tanquam Pharum aliquam turrim eriges , et me in hoc vere ferreo seculo tua auctoritate defendes, testimonio provehes, benignitate ad edenda etiam alia maiora excitabis. Vale Principum excellentissime, Episcoporum doctissime, ac inter utrosque optime. Viennae Austriae Mar. die 1. A. 1530. Nr. VI. Documenta Academiam Timavi ens em spectantia. a) Academiae Tirnaviensis fundationales. Nos Petrus, Misseratione Divina, sanctae Romanae Ecclesiae, Tituli Sancti Hieronymi Illyricorum Presbiter Cardinalis Pázmány, Metropolitanae Ecclesiae Strigoniensis Archiepiscopus, loci eiusdem Comes Perpetuus, Primas Regni Hungáriáé, sanctaeque Sedis Apostolicae Legatus, Summus Secretarius et Cancellarius , ac Sacrae, Caesareae, Regiaeque Mattis Intimus Consiliarius etc. Saepe Nobiscum anxie expendentes, qua ratione et Catholicam Religionem in Hungária propagare, et Nobilissimae Gentis Hungaricae dignitati consulere possemus ; inter caetera adiumenta primarium iliud occurrebat, ut aliqua studiorum Universitas erigeretur, in qua et animi bellicosae Nationis mansuescerent, et idonei, tam regendis Ecclesiis, quam Reip. administrandae informarentur. Neque Nobis animus aut conatus ad hanc rem defuit; verum et clades Patriae, et aliae cumprimis necessariae fundationes hucusque obstitere, quo minus desiderio nostro satisfacere possemus. Nunc vero Deo benedicente, conatusque nostros coelesti favore prosequente, aliquae nobis facultates suppetunt, quibus si non pro rei magnitudine certe pro afflictate huius Patriae conditione, aliquod cum gratia Dei facere posse, videmur. Egimus cum Addin Rndo Patre Mutio Vitelesco , Societatis JESU Praeposito Generali, ut erectioni Universitatis in Collegio Tyrnaviensi Patrum Societatis JESU assentiretur; eius- que curam omnem ac gubernationem in Societatem recipiendo, sequentibus conditionibus ac modis administrari velit. Cum igitur pro zelo gloriae Dei, ac Religionis promovendae nostram oblationem nomine Societatis universae Pater Generalis acceptavit: Nos quoque ultra priorem iam factam , et in omnibus punctis illaesam permanentem Collegii Tyrnaviensis fundationem et reditus alios, quos hucusque habuit Collegium Tyrnaviense, R. P. Georgio Dobronoky, Rectori Collegii Scientatis JESU Tyrnaviensi simul et semel in talleris sexaginta millia florenorum Hungaricorum per manus tradidimus. Insuper liquidi debiti Syngrapham Caesaream quadraginta millium florenorum , per eundem Prem Rectorem Societati consignavimus ; ut, sic in toto centum millium florenorum summa constitueretur. Hanc igitur summam volumus imprimis extra Hungáriám in loco securo, vel emptioni bonorum utilium vel censibus constituendis, ita Societas applicet, ut ex fructibus illius summae et collegii cum Scholis aedificatio a fundamentis acceleretur, et Professores necessarii sustententur. Finito collegii et Scholarum aedificio necessario, et toto etiam centum millium Capitali ad censum, vel ad bonorum emptionem plene elocato, ex eius postmodum censu totali, mille floreni annui pro nutrimento pauperum Studiosorum, in Bursa S. Adalberti, per Nos Tynaviae erecta; (etiamsi dicta Bursa commutatione domus alias in aedes transferetur) applicentur. Haec tamen pensio , uti praemisimus, non obligat Societatem, nisi et dicta aedificia absolvan
