Linzbauer, Franciscus Xav.: Codex Sanitario-Medicinalis Hungariae 3/4 (Budae, 1861)
Mantissa
802 etoribus legentibus, studentibus, commorantibus in studio generali gaudeant et utantur, quodque Episcopus Quinque Ecclesiensis qui pro tempore luerit, vel Ecclesia Quinque Eccles. pastore carente Vicarius seu Officialis dilectorum filiorum Capituli ipsius Ecclesie promovendos in dicta Civitate ad Doctoratus seu Magisterii honorem in illa facultate, in qua fuerit examinatio facienda , iuxta modum et consuetudinem in talibus observatos examinare studeat diligenter, eisque, si ad hoc sufficientes et idonei reperti fuerint, docendi licentiam tribuat et honorem huiusmodi concedat, ac voluimus, quod Magistris et Doctori- bus, qui in huiusmodi legunt studio, per Regem Ungarie pro tempore existentem , in competentibus stipendiis provideatur. Alioquin prefate nostre Littere nullius essent roboris vel momenti, prout in eisdem nostris litteris plenius continetur. Cupientes igitur, ut tam incole, quam alii praedicti in eadem Civitate causa huiusmodi studii moraturi utilius prosperentur ; volumus , ac serenitatem tuam, quam votis nostris conformem speramus et credimus in hac parte, rogamus et hortamur attente, quatenus omnia et singula privilegia huiusmodi per te, ut premittitur, concessa ratifices, et confirmes, et si expediens fuerit, alia de novo Doctoribus Magistris et Scolaribus huiusmodi regia liberalitate concedas, iliaque tam concessa, quam concedenda studeas observare, et facias ab aliis, prout honoribus convenit, inviolabiliter observari. Nulli ergo omnino hominum liceat hanc paginam nostre voluntatis infringere, vel ei ausu temerario contraire. Si quis autem hoc attemptare presumpserit, indignationem omnipotentis Dei et beatorum Petri et Pauli Apostolorum eius se noverit incursurum. l)at. Viterbii 4. Non. Septembris Pontificatus nostri Anno 5. — E Reg. An. V. pag. 68. Privilegium Ludoviceum desideratur. Non modicum ad erigendam hanc Academiam censemus contulisse Wilhelmum loci Episcopum, qui primos in ea gradus litterarios contulerat. Palma ed. III. p. 54. Nr. II. c) Gregorius Episcopus Servus Servorum Dei. Dilecto filio Galvano Bethini de Bononia Civi Bononien. Decretorum Doctori salut. et apostolicam benedictionem. Litterarum scientia, vite ac morum honestas, aliaque probitatis etiam virtutum merita, super quibus apud nos fide dignorum commendaris testimonio, nos inducunt, ut petitionibus tuis favorabiliter annuamus. Exhibita siquidem nobis nuper tua petitio continebat, quod ohm ven. frater noster Wilhelmus Epis- coqus Quinque Ecclesien. diligenter attendens, quod tu 5 qui in studio Quinque Ecclesien. iura Canonica tunc actu legebas, sibi et suae Quinque Ecclesien. Ecclesie multa grata servitia impenderas, et impendebas, ac impedere poteras, et alias in dand. consiliis, et prelegendo in dicto studio eras quam plurimum utilis, et etiam opportunus, tibi provisionem annuam trecentarum marcharum argenti, seu sexcentorum 11. auri percipiendam et habendam per te insuper bonis ad mensam episcopalem Quinque Ecclesien. spectan. tibique in certis terminis persolvendam constituit, et etiam deputavit. Et quod nihilominus, villam de Yruch Quinque Ecclesien. diae, et domum quam in Civitate Ecclesien b. inhabitas confrontatam ab una cum iuribus dilecli filii Saraceni de Padua, et ab alia cum domo dicti filii iohannis Camerarii, et ab alia cum hospitio dilecti filii Pesch . . . Cerdonis Quinque Ecclesien. et ab alia partibus cum hospitio dilecti filii Stephani Archidiaconi de Tunna in eadem Ecclesia ad mensam predictam pleno iure spectantes cum omni temporale iurisdi- ctione ac fructibus decimarum dicte Ville, qui, ut asseris , summam septuaginta flor, auri non excedunt annuatim , et omnibus aliis iuribus , et pertinentiis suis
