Linzbauer, Franciscus Xav.: Codex Sanitario-Medicinalis Hungariae 3/2 (Budae, 1855)
Continuatio prima regiminis imperatoris ac regis apostolici Francisci (II.) I.
71 gisiraluales pertinet,cursui functionum pharmaceuticarum intendere, Proprietariorum aut Provisorum diligentiam, accurationem, aequitatem pensare, naevos forte compertos emendare, reprehendere. Iidem Magistratus civiles, audito praevie Medico magistratuali in casu errorum gravium rem pharmaceuticam attinentium ad puniendum etiam, aut plane jure suo privandum Apothe- carium accedent. §. 80. Auctoritas Medicorum non magistratualium in Apothecarios est simplicis amicae admonitionis in eum casum: si quid in dispensandorum erga suas praescriptiones medicamentorum accuratione, aut promtitudine peccatum censeant se comperisse. Caeterum prima querimoniae contraPharmacopoeum ponenda instantia est Medicus magistratualis, quem etiam ad faciendam ex improviso visitationem possunt provocare. Si gravis aliquis in re pharmaceutica error ad Judicem forensem referendus videatur, Medicus privatus medicamentum adulteratum suo vase contentum a Percipientibus prius obsignandum curabit, priusquam ad Judicem perferatur. Ut Medicus privatus ejusdem medicamenti chemicae indagini per Medicum magistratualem faciendae praesens adesse possit, interdici illi non potest. §. 81. Solennis i n da go totius status rei pharmaceuticae in omnibus per Regnum Apothecis fit medio sic dictae visitationis annuae. Hanc in sede regnico- laris Dicasterii et Universitatis Regiae peragit Prolomedicus cum Facultate medica; in ceteris Jurisdictionibus Medici magistratuales unus aut plures, quorum actui semper praesens adesse debet persona quaedam magistratualis ad id peculiariter delegata. Tempus visitationum pharmaceuticarum instituendarum sunt menses autumnales, quibus penum annuam pharmaceuticam omnem jam comparatam esse opertet. §. 82. Solennis hujus indaginis objectum sunt omnia illa capita rei pharmaceuticae, quae isto Normativo expressa sunt, singulorum status compertus ex ordine debet in praestanda relatione perscribi. Exponendum est nomen Proprietarii et si adsit Provisoris, documenta Magisterii eorum pharmaceutici, nomina sodalium, et tironum utrorumque legitima praesentia. Porro conditio domus, conclavium, repositoriorum, vasorum quorumque ad rem pharmaceuticam praesentium, horum ad scopum requisitum aptitudo, aut data Pharmacopoeo mutandi sive praecepta sive consilia; investiganda Protocolla, quorum servandorum necessitas in superioribus imperata fuit, et videndum, an ex omnibus Apothecarii studium ordinis et in labore quoque pharmaceutico accurationis appareat; indaganda cura singularis et observantia in reponendis et promendis venenis, aut medicamentis ad veneni naturam accedentibus, quod fiet, si quantitas veneni per annum venditi e schaedis licentiae eruta et actu praesentis combinetur cum quantitate emta, e Materialistarum Elenchis patente. Porro examinandae taxationes formularum medicinalium, denique rescienda medicamenta quae venditionis sic dictae manualis objectum sunt, et faciendae, quae hic forte necessaniae videantur dispositiones. Ab his transeundum ad examen materialium simplicium , praeparatorum, compositorum, sensuum, et chemiae criterio faciendum. Cum universa et singula seorsim indagari non possint, in promiscuo examinandorum, quae tamen non etiam admodum pauca sint, delectu ad ea potissimum respiciet Medicus magistratualis, quae partim frequentissime in usum trahuntur, partim variis adulterationibus, aut erroribus obnoxia sunt, partim denique recentius in medicinam allecta nondum satis nota sunt Apothecariis, ut adeo ipsi in illis emendis facilius errent. Medicus pharmaca coram magistratuali persona sensuum aut chemiae criterio expositurus, praevie dicet illi airectionem sensuum immediatam, aut speciei externae mutationem a criterio chemico producendam, quae remedio non adulterato convenit, et immediatum
