Linzbauer, Franciscus Xav.: Codex Sanitario-Medicinalis Hungariae 3/1 (Budae, 1853)

Regimen Francisci I. imperatoris ac regis

783

Trans-Danubiani Vice-Arclii-Diacono, Dominis item Martino Huszár, Georgio Hiros et Franc. Lippay, Tabulae Judiciariae Assessoribus, Emerico Horvath primario V.-Notario, Paulo Szabadhegyi ac Ad. Miskey Ordinariis Judicibus Nobilium, Jos Hegyi V.-Fiscale , Josepho demum Schmidt Physico Comitatensi celebrata, in obsequium determinationis ad Nrum 429 interventae objecto sepulturae, seu inhumationis mortuorum, virtute benigni gratiosi excelsi Consilii Regii Locumtenentialis etiam de dato 18. Decembris 1795. Nro 26672. emanatae ante efluxum 48 horarum a momento interventae mortis computandarum communiter haud suscipiendae, in expensionem sumpto, sequentia rem in hanc accommoda fore demisse censeri, et quidem:

1- o. Siquidem scopus praelaudatae benignae gratiosae Ordinationis eo tenderet, ut casus praematurae inhumationis hominum in certis morborum spe- ciebus, omnibus fere vitalibus indiciis longiori etiam intervallo destitutorum praeverterentur, hinc praeprimis locales Ludirectores medio Domini Comitatensis Physici super indiciis latentis vitae instruendos esse, quibus alio— quin a sepultura mercedem capientibus incumbat, mortuos visitare, et secundum accipiendam a Medico Instructionem, in indicia vitae inquirere, mortem locali Parocho insinuare, ac demum distinctum mortuorum Protocollum ducere, omni- que semestri Tabellam mortuorum juxta adnexum formular / conficere, Physico Comitatensi referendam.

2- 0. Cum autem mortui in privatis domibus praesertim plebeorum, alioquin constrictis, spatio 48 horarum tam hyemis, sed praesertim aestivo tempore, tum ob foetorem, cum et noxias quasvis e cadavere erumpentes exhalationes, quibus domestici facile infirmitates contraherent, detineri haud possint, hinc non aliud remedium superesse, quam ut in qualibet Possessione in loco a serie domo- rum aliquantum remoto, domus certa exigui sumptus impensis, et opera ipsarum Communitatum pro habitatione Vespillonis, una curam corporum eorsum deferendorum habituri, deservilura, culina et duobus cubiculis, quorum unum pro detinendis cadaveribus humanis destinandum . pro ratione localis populi sufficientis capacitatis, fenestrisque sat amplis, cratibus munitis, provisum esse debeat, quorsum exanime cadaver, post sex horas ab interventa morte deferatur, ibidemque per praescriptum tempus 48 horarum asservetur.

3- 0. In casibus autem epidemicis et contagiosis, non secus dum cadaver putredinis signa pandit, eotuin citra ullam moram post interventam mortem ad destinatam domum deportetur, non observato 48 horarum spatio reflexe etiam ad benignam gratiosam Intimationem de dato 5. Apr. a. c. Nro 7217 emanatam, mensibus quidem aestivalibus a 1. quippe Aprilis, usque ultimam Octobris post 12 horas, mensibus hybernis vero utpote a 1. Novembris, usque ultimam Martii post 24 horas inhumandum.

4- 0. Extraordinarios subitaneae mortis casus, utpote: dum quis in cellario per fermentationem musti suffocatur et similibus, domino Physico, aut Chirurgis Comitatensibus per locorum Judices tempestive notificandos, in iisque casibus mortuos perinde praeadnotata modalitate ad destinatam domum deportandos, ac ibidem spatio 48 horarum detinendos esse.

5- 0. Denique e re fore censeri: ut Instructio per Dominos Physicos pro visitatoribus mortuorum deprompta isthic sub / adnexa per gremium Comitatus in lingua vernacula currentetur: Libris Comunitatum inserendum.