Linzbauer, Franciscus Xav.: Codex Sanitario-Medicinalis Hungariae 3/1 (Budae, 1853)
Regimen Francisci I. imperatoris ac regis
750 ties Recipe Medici vel Chirurgi ibi relinquatur. Ut vero persolutio medicamentorum quovis mense subsequi possit, eo res invianda est, ut cum exitu singulorum mensium Pharmacopola omnium Turmae praetorianae individuis suppeditatorum medicamentorum specificationem cum adnexis Recipe computuum Ductori admanuet, qui excontentationem Pharmacopolae erga quietantiam procuraturus est. Hic attamen observandum est, ut nomen aegroti pro quo medicina accepta est, in Recipe , et quidem superiori illius parte clare, distincte et legibiliter, ita etiam datum diei et mensis praenotetur, taliterque praecaveatur, ne ex neglectu praemissorum, ac enascituris exinde dubiis unum, aliudve Recipe Chirurgo aut Medico imputetur, et oneri cedat. Turmae Chirurgi obligatio adhuc ea est: summam nempe vigilantiam eo convertere, ne aegroti ullum quidem in requisitis medicamentis detectum patiantur, ast ne haec etiam sine causa, ac ita dicendo excessive praescribantur et profundantur; quodsi enim similem fraudem ex finibus secundariis exercitam fuisse compertum fuerit, Chirurgus severissimam poenam, imo dimissionem etiam e servitio exspectandam habebit. Caeterum, quae intuitu periculose aut leviter aegrotantium, in praecedenti capite pro Turmae Medico praescripta sunt, ea Chirurgus quoque observet. Quum aliquo exiverit et rediverit, aut quidpiam petendum, vel querelam ponendam habuerit, ad Turmae secundarium Locumtenentem se convertat, et nonnisi in casu, postquam nullibi quidpiam effectuare potest, aut querimonia contra Turmae Capitanei Locumtenentem directa foret, ad Turmae Capitaneum recurrere audeat. Praeter superius attactam vigilantiam, ut aegrotis et reconvalescentibus praescripta medicamenta, cibi item et potus bonae qualitatis, ac suo tempore suppeditentur, eo quoque extremo modo vigilabit, nec ulla ratione admittet, ut aegrotis quidpiam aliud clam propinetur, aut cibi in cupreis vasis lamina stannea non satis munitis coquantur. Sub gravissima animadversione ei vetitum est, speciem morborum ex finibus secundariis occultare, quapropter venerei morbi non tantum Medico et Praepositis fideliter detegendi, verum etiam in hebdomadalibus et menstruis aegrotorum labellis exponendi sunt. Quamprimum in Turmae praetorianae Chirurgum susceptus est, mox praescripto Juramento se obstringat. Turmae Praetorianae Chirurgus gestat uniformem vestem germanicam pro Caesareo-Regii Exercitus Chirurgis praescriptam. Is denique de actuali aegrotorum statu, nec non de accrescentia et decrescentia quotidie Relationem Prostrati praestabit, quo iste in statu esse possit, haec quotidianae Relationi suae inserendi. Juramentum pro Medico et Chy r u r g o. Ego NN. spondeo, voveo ac juro Deo summo ac omnipotenti, quod serenissimo , et invictissimo Principi ac Domino Domino FRANCISCO II. Electo Romanorum Imperatori, semper Augusto, Hungáriáé et Bohemiae Regi Aposto- lico, Archi-Duci Austriae etc. etc. meis item per Suam Majestatem Sacratissimam Caesareo-Regiam clementissime constitutis Turmae Commendantibus, prout et aliis Praepositis obediens , fidelis et devotus ero; eos honorabo et venerabor, eorum jussis et mandatis fideliter obsequar, me in omnibus subordinationi et elargiendis mandatis conformiter geram; collatum mihi Medici (Chirurgi) munus omni cum industria et zelo obibo; visitationes et curain aegrotorum de die et nocte indefesso zelo perficiam; porro omnia, quae ad valetudinem Turmae individuorum proficua et utilia erunt, omnibus viribus prompte, diligenter,
