Linzbauer, Franciscus Xav.: Codex Sanitario-Medicinalis Hungariae 3/1 (Budae, 1853)
Vitae ac sanitati infensas nefors causas, deserta pene in solitudine structorum tuguriorum ab inhabitatoribus avertere studuit; mercenariam operam navantes minantium sibi casuum fatalium evitationem docuit ; miserandis orphanis educationem solerlem impertiri, derelictisque spuria progenie natis nutriciam matrem substituere adlaboravit; animi pathematibus motos et placido asylo tenere et pristinae lucididati reddere intendit; sanitarie cuslodilis mari terraque Regni limitibus, ingressum et propagationem Pestis formidolosissimae praecavit; ruricolae in emolumentum, principale aratri medium ubertatisque fomitem, rem pecuariam promovere sategit. Ministris sanitariis cunctis, velut: Physicis ac Chirurgis publico in officio constitutis, prout et ceteris Medicis, Chirurgis, Pharmacopoeis, Veterinariis ac Obstetricibus — singulis— suppeditata observandorum norma, salutari in munere suo agendorum partes assignavit; Nosocomiorum ceterorum- que „Institutorum humanitatisu regulatione conse- quentiore scopum atque finem saluberrimum definivit; jurium legalium ac praerogativarum naturalium nec non * communis societatis tutamen providissimis, in sphaera vitae ac sanitatis legibus circumscripsit; verbo: indissolubili nexu junctas et Sanitatis publicae et humanitatis Institutiones plenae perfectionis ad culmen attollere natus et conatus ! Licet quidem paucis ante obitum diebus — lugendus per omne aevum Princeps -- plurimas ad manutenendum in Admi- nistratione negotiorum publico-politicorum convenientiorem SIBI visum ordinem, editas inde ab Anno 1780 Normas — legibus ac consvetudinibusPatriae avitis obversas — „speciali Edicto regiou revocare atque modificare IPSE minime ambigit; licet quoque EJUS in throno Successor Augustissimus Imperator et Rex Apostolicus LEOPOLDUS II. parem secutus sit methodum: his
