Linzbauer, Franciscus Xav.: Codex Sanitario-Medicinalis Hungariae 3/1 (Budae, 1853)
Regimen Josephi II. imperatoris et regis
15 Eapropter benignam hanc Resolutionem Caesareo-Regiam praett. Domin. Vestrae pro sui directione notificando, una eidem de beniguo Jussu Regio intimat Consilium hoc Locurntenentiale Regium: quatenus nullam pro futuro tam salarii, quam et numeri Officialium ac Servitorum Districtualium sine praevio Suae Majestatis SSmae indultu auctionem, multiplicationemque admittere noverit Eadem praett. Domin. Vestra *). Datum Posonii ut s. FF. Misericordiae a Gfenerali suo Romae degente non dependent. Conci. Cons. M 2010. die 2. April. 1781. (In seq. M. R M 1709. ddto 24. Martii 1781.) Altissimo nutui Regio / plene obtemperandum. / Josephus II. etc. Gravissimis sane de causis visum est Majestati Nostrae ex eminenti potestate, et authoritate Nostra Regia, eoque, quo circa Sacra etiam, in Hungáriáé cumprimis Regno, adnexisve eidem Provinciis, qua Rex Apostolicus gaudemus, supremo Jure clementer resolvere : ut omnis, qui hactenus inter Religiosos Ordines in Ditionibus Nostris haereditariis domiciliatos cum exterorum Regnorum, et Provinciarum Religiosis aedibus, Communitatibus, et Su- perioritatibus intercedebat nexus, pro futuro simpliciter tollatur. Cujusmodi benignae in publici rursum commodum, ac emolumentum unice directae mentis, ac intentionis Nostrae, ut hoc certior, celeriorve effectus procuretur, sequentia sua serie exposita principia benigne stabilire, atque ad uniuscujusque notitiam publici Juris fieri clementer decrevimus, et quidem 1. Clementer volumus : ut omnes et singulae existentes in Ditionibus Nostris haereditariis Religiosorum aedes, nullis omnino exceptis, omni nexui passivo, ac proinde cuivis obligationi, et cujuscujus nominis habitae hactenus erga et cum extraneorum Majestati Nostrae non subjectorum Regnorum, et Provinciarum Religiosis aedibus, Conventibus, eorundemque Superioribus relationi, (demptis unice quoad preces, et suffragia Confraternitatibus) plene, et pro perpetuis temporibus renuncient. Ouem etiam in finem 2. Demissam eorum, quo res concernit Religiosorum Ordinum super eo : num separatam intra limites Ditionum Nostrarum haereditariarum Provinciam pro futuro erigere, ac stabilire, aut vero unitis Conventibus, ac Residentiis in unam Congregationem coalescere malint, intra terminum praeclusi duorum mensium a dato percepti praesentis benigni Mandati Nostri praestandam accuratam declarationem benigne sumus praestolaturi; porro 3. Clementer praecipimus , et mandamus tenore praesentium per expressum : ut a modo in posterum nullae peramplius religiosae aedes ullo nexu Patri Generali, si quis est, ac in aliqua haereditarum Ditionum Nostrarum fixam non haberet Residentiam, quoad spiritualia, et disciplinaria, hoc minus autem quoad temporalia jungantur, neque ulla prorsus ratione ab eodem dependeant, verum per suum in gremio Ditionum Nostrarum residentem Provincialem sub Archi- et Episcoporum, nec non Regii hujusce Locumtenentialis Consilii, qua politici Di- casterii Nostri superinspectione regantur, et gubernentur; quare universi Archi- et Episcopi hanc sibi concreditam Inspectionem sibi cumprimis curae habebunt; ex quo 4. Suapte consequitur, quod nulla Provincia, aut Confoederationes, Congregationes, vel aliae quaepiam Confraternitates (demptis iis duntaxat, quae §. 1* quoad suffragia et preces commemoratae sunt) ullam cum alia religiosa domo, quam quae indubiae Nostrae subjecta sit potestati, relationem habere ausit. Et *) Similes indultus Regii aliis quoque Jurisdictionibus concessi fuere.
