Zeller, Carolus: De cephalaematomate (1822)

III. Doctori Bils olim discipulo mihi carissimo, nunc medico et obstetricatori experientissimo, Carls- rubae artem tredecim abbinc annis exercenti qua tuor exempla cephalaematomatum in infantibus recens natis occurrerunt. Quorum duo priora cum remediis resolventibus per octo dies adhibitis parum modo minuta esse sensisset, ope lanceolae aperuit. Sanguinem effusum maximam partem coagulatum invenit. Aliquot post diebus sanatio perficiebatur.

In tertio casu, quem una cum alio medico tractavit, nulla incisione facta, sed medicamentis discutientibus in auxilium vocatis sanatio quamvis multo serius contigit. In quarto etiam casu remediis dissolventibus ab ipso adbibitis tumor feliciter sanabatur. Quae experientia, matribus praecipue tumorum incisioni adversantibus , eum permovit , ut imposte- rum, nisi si res urgerent, tumores nunquam incidere constitueret.

IV. Wiedemaicn chirurgus castrensis usu subactus invenit in parte dimidia superiore bregmatis dextri infantis quatuor dierum , caeterum omnino sani, tumorem a parte posteriori anteriorem versus porrectum, tres digitos longum, duos latum, et unum circiter altum, fluctuantem, indolentem, quem partu caeterum facili effectum arbitratus est. Epithemata aromatica aptari jussit. Tumorem tertio die nondum diminutum ope lancettae incidit, e quo plus, quam duae unciae sanguinis maxima ex parte atri, paululum coagulati, partim rubri profusae sunt. Octavo die cicatrisatio jamjam perficiebatur.