Zeller, Carolus: De cephalaematomate (1822)

So

die tumor cultro aperiebatur. Sanguine, qui partim fluidus partim coagulatus erat , amoto, os digitis immissis diligentissime exploratum a pericranio in omni tumoris circuitu nudatum neutiquam vero destructum apparuit. Plaga ad modum medendi simplicem jam supra laudatum tractabatur. Viginti qua- tuor horis post incisionem aliquid rubicundi liquoris emanabat. Decimo die sanatio perficiebatur. Infans inter curandum et postea eadem integritate ac sanitate pollebat.

Obs. II.

Femina rustica, viribus vigens, cum ageret annum undevicesimum, partu quamvis primo tamen facillimo edidit puellam librarum sex et quadrantis. Paucis post partum horis haematoma in utroque infantis caeterum sani bregmate observatum est. Uterque tumor pari magnitudine dimidium ovi gallinacei superavit , et epithematibus spirituoso - aromaticis quamvis superdatis ad quintum usque diem valde increvit. Septimo die, quo circulus prominens in utriusque tumoris circuitu manifesto sentiri poterat, Nagele tumorem bregmatis sinistri incidit, qui decimo die sanabatur. Alter tumor fomentis illis continuatis quinque post hebdomadibus evanuit.

Oes. III.

Praeter hos duos casus, quorum prioris tractationi in Heidelbergensi xenodochio obstetricio interfui, praeceptori suavissimo occasionem debeo observandi tumoris sanguinei, qui bregma sinistrum infantis