Schuster, Joannes (szerk.): Pauli Kitaibel M. D. prof. Chemiae ac Botanicae: Hydrographica Hungariae 1. (Pest, 1829)
Praelatio
IX similes praeprimis annorum serie disjunctae analyses sibi subjungebantur; dissertationes vero completae non mutatae traduntur, nec aliis interruptae. Omnes editor articulis nexis , serie observationum decurrente sistit, fontesque ana- Jyseos cujusque singulares suo speciatim notat loco. Sic coordinata, atque, quantum fieri potuit, exactissime composita ita describebantur, ut nihil plane iis decederet, nihil heterogenei accederet. Integro enim operi coordinando dc- scribendoque eo accessit editor animo, ut ne lii- lum quidem experimentorum institutorum, observationum captarum , imo notularum minimarum mitteretur, ut uno labore integer haberetur Ki- t ai bei, et labori gravi alienum sit vituperium, imo dubium operis incompleti. Hac ratione obtinuisse se putat eum Hydrographicorum Kitai- beli statum, cui, qua tali, modo existenti, nulla desit observatio, experimentum, imo idea; ita opus coram habitum Mstis in Museo nationali Hungarico servatis comparaturus quiscunque , nec diligentior quidam speret, ex iisdem fontibus variantes aut supplementa se haurire posse. Editor enim sciens, imo optans, Msta originalia Kitaibeli in aevum publice servari , necessarium esse perspexit, ut omnia et tota Hydrogra- phica Kitaibeli publico dentur: nam exspectationi excitatae per diligentissimum observatorem eruditum in quibusvis Patriae partibus notum editor quiscunque solum exhausto fonte respondere potuit, non vero selectu completarum aut ad apicem deductarum dissertationum : omnino omnia danda erant exspectationi publicae. Hac tamen methodo adhibita evenit, observationes saepe incompletas, mancasque editas esse, quod severius censurari posse non est diffitendum. Opus namque exhibitum facie certo
