Balassa, Joannes: Dissertatio inauguralis medico-politica de juvene medico (Viennae, 1838)
25 minarum tributa, ia catervam hic vanarum opinionum offendens. — Aegrotanti famulae emeticum porrigere pertimet medicus, callo falsarum opinionum caecatus, quia utero guttas modo aliquot sangvinis plorare lubet;— cane pejus et angve fugit is in femina menstruante et remedium quodvis aliud, etsi illo animam miserculae salvaret.—Nescio, quid de sapiente Judaeorum legislatore, quid de Muhamede, Plinio et Lucano sentiam, qui menstruantes venenata indole gaudere dicebant feminas? cui, et hodie — ridiculum dictu— permulti assentiunt opinioni. Sed videamus ultro: virgineus morbus ex cereo genarum pallore, ex turbisve sphaerae somaticae et psychicae variis apud tenellam filiolam clare loquitur; iteratis assidet vicibus omniscium matercularum consilium sapiens, integram, quibus aegra vexatur malorum catervam exinde repetens, quod uterus mensilia ferre tributa recuset; adest hic spissitudo humorum et torpor in utero, addit medicus perdoctus,— serum ergo lactis et uterina optime conducent; — et en! crudeli diluunt manu sangvinem alioquin miserum, quem natura provida pro sustendando reservavit cachectico corpore,— et si nec longaevus usus omnium, aut nequidem vena in pede inconsulte aperta, sangvinem ad uterum allicere potuit, unicum ad pertinacem naturam docendam, in matrimonio reponitur asylum. — Heu! ineptum, quo corpus keneangicum, iners, in evolutione retentum emendetur remedium! — Forum simile et utero gestante, pro et contra decidit, — venaesectionem sub minimo turgor© mox plenis buccis commendans, mox-etsi suffocari aegrapo- lyhaemica minetur, cane pejus et angve fugiendum praedicans. — Et fors ex tripude furenti huic vaticinio, pusillanimis vota sua submittat juvenis medicus, ubi de salute patientis agitur? An verus Hygeae antistes, movere vomitum aut alvum cunctabitur in gravida? ceu unicum-praeter quod nullum est aliud— salutis pro illa medium, rebellem etsi elevet vocem praejudicium. — Taceo centena alia commatrum edicta, quibus et puerperas ambiunt; de aere puriori reddendo et Iin- teamentis haud mutandis, de clysterum indole perfida, de su-
