Csízy, Paulus: De morbis infantum (Budae, 1838)

29

satis commode, calida corporis fomentatio, infusum florum sambuci, clysmata cum amyllo tollunt.

Adhuc una licet rarior diarrhoeae causa erit commemoranda , emollitio videlicet tunicae ventriculi, quae usque ad plenariam ventriculi perforationem increscere potest. Praecipua ejus symptomata haec fere sunt: Collapsus faciei, sed et reliqui organismi macies, diarrhoea serosa, materiarum odoris acidi per vomitum evacutio, frequens ejulatus , regionis epigastricae tumor, et gravis ad pressionem dolor, pulsus frequens parvus, sitis intensa. Ad malum hocce periculosum removendum, hirudines regioni epigastricae adplicantur, ut et fomenta ex inf. menthae vel fl. chamomillae parata, balneum tepidum quotidie his repetitur, interne laudatur chlorina cum mucillagine gumini arahici in vehiculo aquoso, adjuvant curam clysmata emollientia fomentationes frigidae capiti adplicitae.

Crusta lactea, Tinea capitis.

§. 41. Morbus infantili aetate frequens, nutrimentorum nimium plasticorum praecipue abusus ciborum animalium , vel et alimentorum irritantium, plethorae ut- plurimum effectus. Nec raro in sequelam neglectae munditiei , transpirationis cutaneae suppressae producitur , saepe tamen scrophulosae diathesis constituit symptoma.

In casibus plurimis, congrua diaetae coordinatio, alimentorum proin digestu difficilium, pingvium acrium, salinorum remotio, exhibitus proin cibus vegetabilis, munditiei studium, aeris depuratio, interne purgantium, absorbentium nec non decocti herbae Jaceae usus ad curam utplurimum sufficient. Malo perdurante parca quantitas aethiopis min. prioribus adnectatur remediis, vel et in gravissimis casibus pulvis Plumeri, species lignorum ducent ad scopum. Topicam irritationem, frequens ope lactis, vel et decocti herbae Jaceae tollet ablutio. — Omnis reme-