Csízy, Paulus: De morbis infantum (Budae, 1838)
22 contendunt. Secundum Cl. Goetz: abrasis in universo tumore capillis, apex ejus, parum humectatus lapide caustico purissimo fricatur, donec spumescere incipiat, tum post unius alteriusve minuti primi intervallum, emplastrum loco vulnerato superimponitur; post biduum emplastro remoto, ni decrementum tumoris observetur, pone locum priorem, alter denuo simili tractatur, reiterando tracta- men hocce donec tumor decrescat. Laesa hoc tractamine epidormide, inflammatio producitur et suppuratio , plaga tum laesa obtegitur crusta, quae post vetiduum decidit, tumor ipse spatio 14—20 dierum dissipatur. In Clinico parturientium Vindobonensi Cl. Prof. Klein , sequens adhibet tractainen: sexto videlicet aut septimo ab exordio tumoris die, sectio fit longitudinalis a basi versus centrum tendens, tanta, ut sangvis commode possit effluere. Vulneri imponitur linteum carptum, donec liquidum fluere cesset, tumque marginibus ejus adproximatis cito sanatur vulnus. Quaenam harum methodorum optima sit, arduum est definire, nam quilibet propriam reliquas antecellere contendit, nec immerito, quis enim inter plures hanc, quam frnquentissime calcavit deseret viam, si pari cum reliquis passu, propositam adtingat metam. Aphtae infantum. §. 32. Aphthae infantum vesiculas vel maculas referunt albas, in diversis cavi oris partibus: lingva, palato existentes; quae ruptae incrustantur, crusta decidua, alia nova excrescit, propagantur saepe et per totum tractum intestinalem. Morbus statim post partum suscitatus utplurimum afebrilis est, secus irritationi febrili auctus calor, inquietudo, diarrhoea, tormina etc. adsociantur. In sequelam neglectae utplurimum oriuntur munditiei, vel et suppressae transpirationis cutaneae, aut si papillae nutricis mammarum, acribus tinctae fuerint ungventis.
