Goldberger, Adolphus: Dissertatio inauguralis medico-pharmacologica de auro ejusque praeparatis (Vindobonae, 1830)

directa, üt incitatio systematis sanguiferi, ad morbum tollendum maxime conferens neque deficiat, neque tamen aequo citius, vel nimio in gradu provocetur. Hinc symptomatibus febrilibus comparentibus, dosis statim est imminuenda, et evacuationes criticae regimine et diaeta congruis promovendae, quibus terminatis morbo nondum penitus exstincto major iterum dosis opponenda erit, donec tandem radicitus sublatus fuerit.

Forma et exhibendi modus melius sub expositione singulorum praeparatorum illustrabuntur.

§. 7.

Aurum metallicum.

Notae characteristicae hujusce metalli sunt: Color proprius, splendor singularis, gravitas specifica = i9,25o, et ductilitas maxima; aeris, aquae, acidorum, atque alca- lium vi resistens, in aqua regia solummodo solvitur, solutio obtenta coloris est aurei, partes organicas purpureo tingens colore, ex qua metalla plurima Aurum praecipitant; calore ad 3‘2° Wedgw. aucto liquefit, colore in pallido-viridem mutato.

Impurum — argento vel cupro inquinatum — Aurum denotant: Color ex rubro flavus, acidum nitricum eidem superfusum colorem induens viridescentem, ammonia pu12