Kalocsai főegyházmegyei rendeletek 1867-1879

— 48 — ejus proventus succurrere pronus erit Ordinariatus. — Caeterum nil obstat, quominus ad querelas nonnullorum sopiendas in singulis districtibus sequens medela adhibeatur. Ubi scilicet symbolae a singulis solvendae apud Officium Dioecesanum fundamento conscriptionis anni 1802-i deterininatae districtibusque intimatae fuerint : integrum erit districtualibus fratribus generalem omnium symbolarum ab ipsis solvendarum summám in unum additam inter se juxta rectiorem , quam ipsi exploraverint, cuique omnes acquieverint , clavirn repartiri; modo summa illa integra e districtu Coloczam exhibeatur. Commendatur denique cunctis, ut non solum symbolas has per Clerum Archi-Dioecesanum sponte oblatas adcurate dependant , sed etiam decimalitatem proventuum beneficialium in sensu praevigentium statutorum solvendam vita comite fundo inferant. XLIX. Religiosi cum Clero Curato junctim laborent, Ordinariatui subjectionem exhibeant; eleemosynarum collectores suas passuales Parochis pro subscriptione praesentent, postulat unus districtus. Non dubitatur raris exceptionibus deputandos fore casus tales , in quibus Religiosi illám Clero seculari animorum et laborum harmoniam, quae felicis heic et ibi successus necessaria conditio est, debitamque Ordinario obedientiam et subjectionem negarent. Ejusdem Ecclesiae simul nobiscum Ministri et Sacerdotes scient certe illi, sicut et nos, quid charitati fraternae , quid jusiae conaminum communioni, quid auctoritati ecclesiasticae debeant. Quantum ad litteras passuales Parochis praesentandas per nos commonefaciendi obligationi- suae certo non deerunt. L. Orantur Ordinariatus, ut contra novellarem legem scholarem ceu multarum discordiarum fontem competenti loco vocem suam levent. Desiderio huic unice viA legislationis satisfieri posset. Hanc autem viam interpellationibus faciendis ingredi, in praesentibus temporum adjunctis consultum vix foret , ne dum malo mederi volumus, május malum suscitemus; saepe inimicus boni est, qui optimum desiderat. Quare nil aliud superest, quam ut id, quod in lege bonum est, ad scholarum utilitatem diligenter convertentes, quoad salubriorem legem ferendam faventius tempus expectemus. LI. Utinam superior scholarum elementarium catholicarum Inspector Dioecesanus scholas saepius yisitaret. Yoto huic, quod etiam Ordinariatus fovet, satisfieri eo studiosius curabitur, quö magis necessarium esse dignoscitur, ut Archi-Dioecesanae rei scholari praefectús Inspector personalem de statu indigentiisque scholarum hauriat cognitionem, huicque conformiter agenda et ordinanda suadere ac disponere possit. LII. Kelatio Parochi ad scholas catholicas et vicissim circumscribatur.