Az 1863-as kalocsai egyháztartományi zsinat iratai és határozatai

Index

— 203 — charitatis fructus produxerat, erat quippe omnium credentium cor unum et anima una. Quapropter Ecclesia Christi semper sollicite desideraverat, ut fideles divinum hocce epulum diligenter adeant, nec sine dolore illius factum est, quod subin statuere debuerit, ut singulus adminus semel in anno idque circa festum Paschae Corpus Christi sub reatu mortalis culpae sumere teneatur, remanente semper ardentissimo illo Ecclesiae desiderio, ut fideles panem angelorum frequentius sumant. Quodipsum etiam Patres Tridentini sequentibus monent : „Paterno affectu admonet S. Synodus, hortatur, rogat et obsecrat per viscera misericordiae Dei nostri, ut omnes et singuli, qui christiano nomine censentur, in hoc unitatis signo, in hoc vinculo charitatis, in hoc concordiae symbolo conveniant, et concordent, memoresque tantae majestatis et tam eximii amoris Jesu Christi Domini nostri, qui dilectam animam suam in nostrae salutis pretium, et carnem suam nobis dedit ad manducandum : haec sacra Mysteria corporis et sanguinis ejus ea fidei constantia et firmitate, ea animi devotione, ea pietate et cultu credant et venerentur, ut panem illum supersubstantialem frequenter suscipere possint, et is vere eis sit animae vita et perpetua sanitas mentis"

x). Quapropter etiam Catechismus Romanus monet : „Parochi partes erunt fideles adhortari, ut quemadmodum corpori in singulos dies alimentum subministrare putant, ita etiam quotidie hoc Sacramento alendae et nutriendae animae curam non abjiciant; neque enim minus spirituali cibo animam, quam naturali corpus indigere perspicuum est"

2). Nec mirum tantam esse sollicitudinem Ecclesiae, ut fideles sacra Communione frequentius reficiantur. Hoc enim Sacramentum vigorem quemdam spirituálém tribuit quo tentationibus obsistimus, quodve venialia >) Concil. Trid. Sess. XIII. de Eucharist. Cap. 8. — 2) Catecli. Rom. Par. II. De Sacr. Euch. n. 60. 18*