Az 1863-as kalocsai egyháztartományi zsinat iratai és határozatai

Index

— 194 — cunctis suis fidelibus debitam erga potestates etiam sublimiores subjectionem non propter iram sed propter conscientiam commendare et urgere non cessat. His, in ipsa rei natura fundatis, nóvum pondus inde accrescit, quod Gymnasia patriae nostrae plurima e bonis Ecclesiae provisa, spectata origine ad sanctam hujus proprietatem pertineant; cum vero fundationes juxta mentem fundatoris tractari oporteat : suapte patet, Episcopis intuitu Gymnasiorum sensu etiam Articuli VII. Conventionis inter S. Sedem Apostolicam et Suam Majestatem SSmam initae omnia illa jura, quae tum ad ipsam docendi rationem, methodum item et studiorum systema fini Ecclesiae convenienter ordinandum, tum eadem ex ratione ad Magistrorum institutionem aut destitutionem, aut demum ad librorum scholasticorum delectum adtinent, competere. Imprimis igitur curabunt Episcopi, ad quos vi juris et muneris sui scholarum directio cumprimis pertinere dignoscitur, ut omnis juventutis catholicae institutio in Gymnasiis et Scholis, quas medias vocant, doctrinae Religionis catholicae sit omni ex parte conformis, adeoque nihil doceatur, quod directe aut indirecte sanctae fidei, bonis moribus et recto ordini adversetur. „His enim Scholis praeformantur, qui altari aliquando inservient, res civiles administrabunt, magisteria tenebunt, causas in judiciis agent, artem medicam exercebunt, omnes demum quibus uberior in animos aliorum agendi facultas erit et copia : unde communis Ecclesiae et reipublicae causa est, eximia cura cavere, ne litterarum humaniorum disciplinae venena immisceantur

1)". Hoc fine Episcopi suos habeant penes singula Gymnasia Commissarios, e presbyteris virtutis et scientiarum laude rerumque gerendarum experientia clarissimis delectos, qui praelectiones interdum adibunt, ') Conc. Prov. Vienn. de anno 1859. pag. 164.