Az 1863-as kalocsai egyháztartományi zsinat iratai és határozatai

Index

— 146 — ait S. Bernardus, tenebras effundunt et pro melle venenum propinant, nóvum cudentes populis Evangélium. Ut vero profectus in theologico-ecclesiasticis studiis amplius provehatur, egressi e Seminario neosacerdotes, provisi necessaria libraria supellectili, semet iis laboribus praecipue impendant, qui ad voeationis ipsorum sphaeram pertinent, catecheses, sermones sacros diligenter elaborent, dum per Vice-Archi-Diaconum postulati fuerint, eidem exhibendos, sibique de augenda parva quam e Seminario adferunt bibliotheca prospiciant. Concursus denique pro obtinendis beneficiis a patribus Tridentinis Sess. XXIV. Cap. 18. praescriptos omnino subeant. Caput VII. De pietatis sacerdotalis studio. Ardor pietatis, quo Sacerdos alios accendere debet, continuo in corde alendus est, imo quo plurium fidelium curam Pastor animarum sustinet, quo majoribus laboribus gravatur , et a pluribus impugnatur salutis liostibus : eo majori pietatis subsidio eget. Humilis ac fervens matutina vespertinaque oratio, preces item ante et post Missain, Sacramentorumve administrationem dicendae nunquam negligantur. Merito namque S. Bonaventura ait : Cum videro quempiam non amantem orandi studium, nec hujus rei fervida vebementique cura teneri : continuo mihi palam est, eum nihil egregiae dotis possidere. Animus in examine conscientiae quotidie ad rationem reddendam vocandus est, monente Salvatore : Attendite et videte et vigilate, quia nescitis quando tempus est; in biographia etiam S. Salesii scribitur : Vespere, peracta lectione spirituali, conveniebant domestici, ut litaniarum recitationi interessent, tum instituebatur examen conscientiae, quo primus ipse defungebatur.