Az 1863-as kalocsai egyháztartományi zsinat iratai és határozatai

Index

— 133 — figmenta systemati doctrinae christiano-catholicae opposita refellantur. Dogmatica singulorum dogmatum determinate conceptorum sensum, evolutionem historicam, definitionem ecclesiasticam et necessarium cum aliis catholicis doctrinis nexum clare exhibeat, tandem veritatem eorum argumentis stringentibus, quae e genuinis fontibus erunt promenda, solide vindicet. Procurabunt Episcopi, ut in Seminariis selecta Sanctorum Patrum opera defixis vicibus legantur. Tlieologia Morális, Philosopliiam ethicam et fonté et ambitu praecellens, sit vere catholica, dogmati per extensum superstructa, evolvat autem diligentius ea, quae ad sanctimoniam vitae et officii sacerdotalis attinent, aut quorum usus in sacro tribunali occurrit, nec ullus approbationem e Tlieologia Morali ferat, nisi circa munera sacerdotalia solidam scientiam sibi comparaverit, et in illis bene se instructum probaverit, quae ad Confessionem fidelium cum fructu excipiendam inomisse requiruntur. História ecclesiastica ex ipsa Ecclesiae fundatione et celeri propagatione divinam hujus originem vindicet, dogmatum veritatem argumentis in facto et liturgia positis ob oculos sistat, teneros juvenum animos propositis Sanctorum exemplis ad eorum imitationem excitet, copiosos in operibus sanctorum Patrum thesauros aperiat, exhibeat denique, quomodo Ecclesia e pugnis semper victrix et liostibus suis superior prodierit novis decorata triumphis. Jus Ecclesiasticum, cujus ignorantia Ordini sacro admodum funesta, indolem et finem Ecclesiae ceu societatis externae, média item ad sacrum suum finem consequendum necessaria exponat, genuinos et limpidos juris sacri fontes designet et excutiat, mutuas membrorum correlationes jura quippe singulorum ac obligationes explicet, canones de Ordinibus, beneficiis et Sacramento matrirnonii solertius tractet, ac ea praecipue deligat, quae ad praesentem Ecclesiae disciplinam spectant, commonstrando, quam veneranda auctoritate, quibusve maximi momenti rationibus cun-