Az 1863-as kalocsai egyháztartományi zsinat iratai és határozatai

Index

— 123 — talem conjunctionem fidelium, in qua externis solum considerationibus pro fundamento sumtis, felix vitae conjugalis consortium exspectari nequit. Huc imprimis refert Synodus mixtae religionis impedimentum, dum catholici cum acatholicis matrimonium ineunt. Reprobat haec Synodus in Deo congregata conjunctionem partium in statum vitae, dum haec conjunctio non in unione animorum, non in unavera Religione sua fundamenta quaerit. Praecipua proinde conditio, quae ad prosperum et sanctum matrimonium requiritur, in mixtis matrimoniis manifeste deest. Quam quidem veritatem tristis experientia probat,qua teste inter conjuges religionis principiis dispares altercatio, aegritudo et aversio animorum frequenter obtinet; si vero conjuges erga omnem religionem adeo indifferentes sint, ut nec de sua nec de sui consortis religione curent, tunc et conjugum et prolium salus temporalis ac aeterna in praesentissimum adducitur discrimen. Horret proin Ecclesia — haec felicitatis aeternae non secus ac temporalis custos •— inter personas diversae religionis vitae consortium, nec aliter patitur nisi ex dispensatione Apostolica praemissis cautionibus, „non modo ut conjux catholicus ab acatholico perverti non posset, quin potius ille teneri se sciret ad hunc pro viribus ab errore retrahendum: sed insuper ut proles utriusque sexus ex hisce conjugiis procreanda in catholicae religionis sanctitate omnino educaretur"*). Si has cautiones pars acatholica non serio promittat, nec quidem pro dispensatione in impedimento mixtae religionis recurrere licebit. Quapropter parentes saepissime de tristibus sequelis monendi erunt, quae e mixtis matrimoniis originem habent, ut proles suas indiíFerentiam erga Religionem dedoceant. Quodsi sponsa catholica non obstante eo, quod sponsus acatholicus requisitam ab Ecclesia cautionem non praestiterit, mixtum matrimonium inire ') Breve Gregor. XVI. Papae ad A.-Eppos et Eppos Hung. 30. April. 1841. 16*