Kalocsai Főegyházmegyei Körlevelek, 1950

Index

1950. I. Nr. 100. Vota aeppi in capite novi anni. Illucescente aurora anni sancti, quem Summus Pontifex Noster PIUS Papa XII. mense junio anni praeterlapsi indixerat, imis ex praecordiis salutamus vos fratres, vobisque necnon fidelibus curae vestrae pastorali concreditis lectissima quaeque a Doinino adprecamur. Paternae invitationi Summi Ponlificis obtemperantes decursu anni piacularis libenler in altnam urbem conveniremus monumenta sacra veneraturi, attamen adversa rerum adjuncla omnino nos impediunt, quominus cum agminibus fidelium Romám peregrinemur. Quum igitur citra propriam culpam desit nobis facultas almam urbem adeundi, studeamus conditiones praescriptas domi devote adimplere, delicta propria et aliena expiare, indulgentiam plenariam benigne concedendain lucrari, ut uberum gratiarum anni sancti tali modo fiamus participes. Ceterum in ordine fidelium per totum regnum observare possumus conalum, ut per decursum anni jubiláris habeantur devotiones expiatoriaé ad placandam divinam Majestatem ob horrenda delicta, quae in dies perpetrantur, et divinam Justitiam jure meritoque ad vindictam lacessunt. Grassari sane videmus peccatum atheismi, adusque apud nos haud observatum, quod non solum fidem adultorum labefactat, sed etiam animum ac mentem pubis scholaris veneno letali coepit inficere. Iinpugnari observamus veritates fundamentales, veluti existentiam Dei, creatiotionem mundi et hominis per Deum, ecclesiam qua societatem a Christo fundatam, erroresque his veritatibus contrarii totam humanam consortionem pervadere incipiunt. Contemptui et insectationibus exponi sentimus ordinem sacerdotaiem, monachos, sanctimoniales, ut servitium Dei deserentes ad vota redeant saecularia, atque aestimatio ac amor fidelium erga ordinem ecclesiasticum minuantur, imo petiitus deficiant. Cum moerore animi experimur lamentabiles apostasias etiam ex ordine clericali, eo sane modo, ut aliquot sacerdotes suave Domini jugum excutientes in partes adversas abeant et dilectam Christi sponsam, ecclesiam scilicet, lacrimabili sua defectione non solum contristent, sed etiam jacula ignita impia manu in eam conjiciant. Deplorare debemus etiam negligentias, omissiones, ingratitudines, sacrilegia contra amoris sacramentum, quae a clericis vinculo amicitiae Christo conjunctis solent evenire et Cor Domini amore nostri flagrans summopere contristant. Suspirant quidem in dolore fideles, tamen peccata maledicti, odii, inimicitiae, vindictae, abusus contra matrimonium aliaque.'delicta innumerabilia, licet flagellis caesi, persaepe tamen committunt. Habemus igitur multiplicem rationem, ut labente anno jubilaei opera poenitentiae et expiationis exercentes, emendationi vitae serio demus operám et universalem omnium ad Christum reditum sollerter praeparemus. Ut igitur annus jubilaei annus revera piacularis évadat et operibus expiatoriis abundet, praescribendum censuimus ea quae sequuntur: 1) Ad placandum divinumCor Salvatoris ante quamvis primam feriam sextam horis vespertinis habeatur in ecclesiis parochialibus devotio expiatoria (sic dicta hora sacra) per integrae horae spatium coram exposito Sanctissimo cum precibus et hymnis convenientibus. 2) Quovis festő de praecepto et quavis dominica intra ambitum devotionis pomeridianae, scilicet litaniarum, cum fidelibus recitetur rosarium Mariale cum mysteriis tempori convenientibus. Minimé dubitamus fratres, quin fideles ad ista pietatis exercitia a vobis invitati libenter in devotionibus compareant et fervidis precibus Deum placare festinent, ut veniam delictorum et sanctimoniam vitae consequantur. Tali spe animati precemur, ut fidelitas divino Redemptori debita ab omnibus retineatur, ut filii prodigi suprema luce collustrentur, ut civium ordines pacatis odiis sedatisque discordiis, justitia fraternaque concordia invicem conjungantur, prout Sanctissimus Dominus Noster in indictione jubilaei paterne nos edocuit. Quibus praemissis fratres, hortamur gregem Vobis commissum, ut fidem avitam absque formidine profiteafur et ín omni adversitate retineat juxta illud Apostoli: „Vigilate, state in fide, viriliter agite et confortamini." (1. Cor. 16, 13.) Quod ut feliciter eveniat, benedictionem praesuleam vobis et fidelibus nostris dilectis amanter in Domino fribuimus. Coloczae die 1 Januarii 1950. 214. sz. Az államesküről szóló rendelet végrehajtása. Hivatkozással a 7677/1949. sz. alatt közölt tájékoztatóra (Circ. 1949. pg. 49.) az alábbiakban közlöm a vallás- és közoktatásügyi miniszter 1000 — 1/1950. eln. számú rendeletének a főegyházmegye papságát érintő rendelkezéseit: A Magyar Népköztársaságra és annak Alkotmányára teendő eskü tárgyában kiadott